12 aqpanǵa deıin ótetin jarysta 6 jastan 28 jasqa deıingi sportshylar baq synaıdy.
Almatyda IV kerlıngten qysqy Jastar sport oıyndary ótip jatyr. Buǵan elimizdiń túkpir-túkpirinen sportshylar jınaldy, dep habarlaıdy Almaty-akshamy.kz.
Qazaqstan Respýblıkasynyń İV Qysqy kerlınten jarysy dástúrli túrde uıymdastyrylyp keledi. Sporttyq is-sharaǵa Qazaqstannyń 10 óńirinen saıyskerler jınaldy. 12 aqpanǵa deıin ótetin jarysta 6 jastan 28 jasqa deıingi sportshylar baq synaıdy. Eń úzdik shyqqandar kerlıngtiń ulttyq qurama sapyna irikteledi. 2024 jyly Ońtústik Koreıada ótetin dodada baq synaıtyn bolady.
Jarystyń ótýine Qazaqstan kerlıng federasıasy tikeleı muryndyq bolýda.
«Elde eń kenje damyǵan qysqy sport – kerlıng. Buıyrsa, bunyń boıyna da qan júrgizgim keledi. Jas sportshylardyń qyzyǵýshylyǵy artyp, jankúıerleri de kóbeıip jatyr. Bundaı ynta bolsa, alǵa basý men damý bolady», – dedi bas jattyqtyrýshy Vıktor Kım.
Respýblıkalyq sport damytý dıreksıasynyń saraptamalyq-taldaý bóliminiń qyzmetkeri Qylyshbaev Abylaıhan sporttyq is-sharanyń uıymdastyrylýy, jasóspirimder sportynyń damý baǵyttary boıynsha oı qozǵady.
«Biz osy kerlıng saıysynyń ótýine jaýapty mamandar bolyp sanalamyz. Bıylǵy 1 -12 aqpan aralyǵynda kerlıngten jarys ótýde. Bul saıysqa eldiń 10 oblysynan 200-ge jýyq sportshy qatysýda. Bir sózben túıgende, ótken jyldarmen salystyrǵanda, qyzyǵýshylyq artyp keledi», – dedi ol.