Almaty máslıhatynyń kezekten tys sesıasynda qalanyń 2025-2027 jyldarǵa arnalǵan tıisti búdjeti qabyldandy. Qala úshin negizgi baǵyttardyń biri kólik ınfraqurylymyn damytý bolyp qala beredi, dep habarlaıdy aqshamnews.kz
Máselen, búdjette 300 km jolǵa ortasha jóndeý júrgizýge, 30 km trotýarlarǵa, aıaldama qaltalary men alańdaryna, sondaı-aq basqa da kólik qurylystaryna 35 mlrd teńgeden astam qarjy qarastyrylǵan.
Ekologıalyq jaǵdaıdy jaqsartý maqsatynda qalalyq qoǵamdyq kólikti jańartý boıynsha jumystar jalǵastyrylatyn bolady. 2025 jylǵa arnalǵan búdjette gazben júretin 600 avtobýs pen 200 elektroavtobýs satyp alý kózdelgen.
Almaty ákimi Erbolat Dosaevtyń tapsyrmasy aıasynda qalaǵa qosylǵan Jas Qanat, Shuǵyla, Álmerek, Aqjar, Rahat, Mádenıet, Boraldaı sh/a aýmaqtarynda jol qurylysy jalǵasady.
Osylaısha, jańa joldardyń qurylysy 70 myńnan astam turǵyndy qamtı otyryp, qalaǵa qosylǵan aýmaqtarǵa kóliktik qyzmet kórsetýdi edáýir jaqsartýǵa múmkindik beredi.