Gran-prı týrnıri ótpek
Almatyda kásipqoı boksshylarǵa arnalǵan otandyq jańa promoýshen ashyldy, dep habarlaıdy Almaty-akshamy.kz Almaty.tv-ge silteme jasap.
Elimizdiń jas sportshylarynan quralǵan uıymnyń tanystyrylymyna qazaq sportynyń maıtalmandary qatysyp, keshtiń kýási boldy. Olardyń arasynda Damır Ismaǵulov, Erkebulan Toqtar, Jańqosh Turarov jáne el tarıhynda eń úzdik bapker atanǵan Tursynǵalı Edilov bar.
«Bizdiń sportshylar medıa jaǵynan óssin. Halyqta sheteldikterge qaraǵanda bizdiń sportshylarǵa qyzyǵýshylyq kóp bolsyn», – dedi sportshy Erkebulan Toqtar.
Jańa promoýshen jaqynda 4 salmaq dárejesi boıynsha Gran-prı týrnırin ótkizýdi josparlap otyr. Jalpy syıaqy quny 30 mıllıon teńgeni quraıdy. Boks keshi Almatyda ótedi.
«Qazir 6 boksshy bar. Beseýi sport sheberi bolsa, bireýi ǵana sport sheberligine úmitker. Barlyǵynyń bolashaǵynan úmit kútemiz. Qazir jumys istep, eńbektenip, tájirıbe jınaý kerek», – dedi promoýshen prezıdenti Rýslan Zadarnovskıı.
«Jas sportshylardy alyp jatyr. Olardyń damýyna múmkindik beredi. Qazaqstanda osyndaı uıymdar kóp bolsa, boksshylar arasynda básekelestik artyp, halyqaralyq arenada qazaqtyń aty shyǵary sózsiz», – dedi sportshy Damır Ismaǵulov.