Sapany arttyratyn kez
Eldegi shıpaıjaılardyń úshten biri memlekettik tapsyrystan qaǵylýy múmkin. Bul jaıynda «Kazakh Tourism» ulttyq kompanıasynyń basqarma tóraǵasy Talǵat Amanbaev astanada ótken dóńgelek ústelde aıtty, dep habarlaıdy Almaty-akshamy.kz QazAqparat-qa silteme jasap.
«Zertteý qorytyndysy boıynsha, eldegi shıpajaılardyń úshten bir bóliginiń hali múshkil. Oǵan sebep – ıelerinde damýǵa ynta joq. Elimizde 173 shıpajaı bolsa, sonyń kóbi ótken ǵasyrdyń elýinshi jyldary salynǵan. Sodan beri jóndeý kórmegen, jańarmaǵan nysandar kóp», - dedi Talǵat Amanbaev.
Aıtýynsha, soǵan qaramastan memleketten tapsyrys alyp otyrǵan shıpaıjalar bar.
«Shıpajaılardyń bári memleketten tapsyrys alyp otyr. Bul ádiletsiz. Óıtkeni kóbi memlekettik tapsyrysqa senip, arqany keńge salyp júr. Biz belgili bir ólshemderge saı keletin shıpajaılarǵa ǵana memlekettik tapsyrys berýdi usyndyq. Esesine olarǵa salyqtan jeńildikter berip, ınvestısıalyq artyqshylyqtar kórsetemiz», - dedi «Kazakh Tourism» basshysy.
Atalǵan sharada Talǵat Amanbaev Nur-Sultan qalasynda medısınalyq týrzımniń arnaıy ekonomıkalyq aımaǵyn qurýdy usyndy.