«Men Kásipker» ulttyq jobasy
Óńirlik kásipkerler palatasyna qarasty Almaty áıelder kásipkerligin damytý ortalyǵy jumysshy mamandyqtary boıynsha tegin kýrstar ótkizedi, dep habarlaıdy Almaty-akshamy.kz.
«Biz kásipkerlerimizdiń qalaýyn eskere otyryp, tegin oqytý kýrstaryn anyqtaımyz. Bıylǵy jyly Áıelder kásipkerligin damytý ortalyǵynyń klıentteri arasynda júrgizilgen saýalnamaǵa sáıkes, tigin jáne kondıterlik kýrstarǵa ótinishter kóbirek túsken. Jaqynda osy baǵyttar boıynsha kýrstar uıymdastyramyz. Aldaǵy jyldyń úshinshi jáne tórtinshi toqsanynda taǵy birneshe oqý kýrstary josparlanǵan», – dep túsindirdi ortalyqtyń menedjeri Ásel Jarasova.
Maman ótken jyly «pishý jáne tiginshi», «kondıter-dekorator» jáne «gúl ósirýshi» kýrstarynda óz isin ashyp, damytý maqsatynda 60-tan astam qyz-kelinshek jumysshy mamandyqtary boıynsha bilim alǵanyn eske saldy. Olardyń barlyǵy oqýdy sátti aıaqtap, sertıfıkattarǵa ıe boldy.
«Kýrs óte jaqsy ótti. Kásipkerge de, florıstke de kóptegen tanymdyq dúnıeler bildik. Kásipkerdiń ózi, jattyqtyrýshynyń qyrlary nede, qandaı qatelikter bar ekenin jete túsindirip berdi. Negizgi kýrs boıynsha biz kóptegen paıdaly aqparat pen daǵdylar aldyq. Jattyqtyrýshyǵa jáne Áıelder kásipkerligin damytý ortalyǵyna erekshe alǵys aıtamyz. Ortalyq áıelderge qamqorlyq jasaıdy, bul tek qamqorlyq emes, bul áıeldiń bilim alýyna, tulǵa bolyp ósýine múmkindik», – dedi florıstıka kýrsynyń qatysýshysy Kamıla Ótepbergenova.
Almaty qalasy kásipkerler palatasynyń tóraǵasy Áýez Táımbetov «Atameken» UKP 2023 jyldyń basynan bastap kásipkerlikti damytýdyń 2021-2025 jyldarǵa arnalǵan «Men Kásipker» ulttyq jobasy aıasynda kásipkerlikti damytý quraly boıynsha qyzmet kórsetip kele jatqanyn atap ótti.
Birinshi baǵyt – Áıelder kásipkerligin damytý ortalyǵy kásipker áıelderge nemese 18 jasqa tolǵan kásipkerlik bastamasy bar áıelderge túrli qyzmet túrlerin kórsetedi. Atap aıtqanda, konsýltasıalar, kásiptik jáne iskerlik oqytýdy uıymdastyrý, sondaı-aq qolónerdiń dástúrli túrlerine oqytý, tálimgerlik, qarjylandyrýdy tartý boıynsha oqytý, áıelder kásipkerligi ókilderiniń halyqaralyq jobalarǵa qatysýyna járdemdesý qyzmetteri (kásipker áıelderdi aqparattandyrý), «Bir aýyl – bir ónim.
Sondaı-aq ońtústik astanada «Baqytty otbasy» ortalyqtarynda kóp balaly áıelderge kásipkerlik áleýetin iske asyrýǵa kómektesýge baǵyttalǵan «İsker ana» baǵdarlamasy júzege asyrylýda. Sondaı-aq baǵdarlamaǵa qatysýshylar quqyqtyq jáne konsýltatıvtik kómek alady. Baǵdarlama aıasynda 2613-ten astam adam tulǵalyq ósý, kóshbasshylyq, bıznes jáne psıhologıa boıynsha bazalyq trenıńterdi, 2810-y kópbalaly otbasylardy oqytý kýrstarynan ótti.
Áıelder kásipkerligi SHOB sektoryndaǵy jumys oryndarynyń 31%-yn jáne Qazaqstannyń JİÓ-niń 14,6%-yn qamtamasyz etedi.