Bıyl 9 aıda elimizde 2075 adam joǵalyp ketken.
Elimizde er adamdar jıi habar-osharsyz ketedi eken. Al áıelder arasynda kóbine spırttik ishimdikti asyra paıdalanatyndar, qolaısyz otbasynan shyqqandar joǵalatyn kórinedi. Bul týraly QR İİM Krımınaldyq polısıa departamentiniń asa mańyzdy ister jónindegi aǵa jedel ýákili Nurlan Temirbaev málim etti, dep habarlaıdy Almaty-akshamy.kz QazAqparatqa silteme jasap.
«Statısıka kóbinese er adamdardyń joǵalatynyn kórsetip otyr. Bul olardyń maýsymdyq jumystarǵa, (kólik júrgizý, júk tasymaldaý taǵy sol sıaqty) túrli qyzmettik issaparlarǵa shyǵýymen baılanysty. Áıelder arasynda kóbine spırttik ishimdikterdi asyra paıdalanatyndar, al jasóspirimder boıynsha qolaısyz otbasynan shyqqandar joǵalyp jatady», - dedi Nurlan Temirbaev mınıstrlikte ótken brıfıńide.
QR İİM ókiliniń málimdeýinshe, habar-osharsyz joǵalyp ketetin 100 adamnyń 80-i tabylyp, jaqyndaryna qaıtarylady.
«Kámeletke tolmaǵandardyń úıinen qashatyn sebebi - ata-anasymen janjaldasyp qalýy nemese ata-anasy ishetin bolǵandyqtan, balalary bólek turǵysy keledi. Ata-ana quqyǵynan aıyrǵannan keıin onyń balalaryn arnaıy ortalyqtarǵa jiberedi. Iaǵnı balalar úıine. Keıde balalar ol jerden de qashyp ketip jatady. Bunyń sońy adamnyń joǵalýyna alyp keledi, sosyn izdeý salynady. Sondaı-aq balalardyń uzaq ýaqyt oıyn klýbtarynda júrýi men ata-ananyń jazasynan qutylý úshin úıden jáne mektepten qashý faktileri oryn alady», - deıdi ol.