Almaty qalasynyń bas memlekettik sanıtarlyq dárigeri Qarlyǵash Ádbijabbarova Óńirlik komýnıkasıalar qyzmetiniń onlaın brıfıńinde shekteýlerdiń ishinara alynyp tastalǵany týraly aıtty, dep habarlaıdy Almaty-akshamy.kz
Qarlyǵash Ádbijabbarova «Ashyq» jobasy aıasynda 6-16 qańtar aralyǵynda qalada «qyzyl» mártebesi bar 270 jáne «sary» mártebesi bar tórt tulǵa anyqtalǵanyn atap ótti.
«2021 jyldyń 9 sáýirinen bastap qazirgi ýaqytqa deıin 11 369 turǵynnyń «qyzyl», 1 360 turǵynnyń «sary» mártebesi rastaldy», - dep habarlady Almaty qalasynyń bas sanıtarlyq dárigeri.
Ol aǵymdaǵy jyldyń 22 qańtarynda Almaty qalasy boıynsha respýblıkanyń bas memlekettik sanıtarlyq dárigeriniń №2 qaýlysyna qol qoıylǵanyn, onda kelesi ózgerister engizilgenin eske saldy. Konsert zaldarynyń, teatrlardyń, sırkterdiń, fılarmonıalardyń qyzmetine, konferensıalar, semınarlar, kórmeler, forýmdar, túngi klýbtar, karaoke, ujymdyq dinı joralardy ótkizýge tyıym salyndy, sondaı-aq qoǵamdyq tamaqtaný oryndaryna kelýshiler sanyn 4 adamǵa deıin qysqartý jáne kınoteatrlardyń tolymdylyǵyn 30%-ǵa deıin qysqartý týraly talap alynyp tastaldy.
«Bul nysandardyń barlyǵy «Ashyq» aıasynda «qyzyl» aımaqtyń qoldanystaǵy krıterııleri boıynsha jumys isteıtin bolady. Mysaly, konsertter, teatrlar, kınoteatrlar, qoǵamdyq tamaqtaný, túngi klýbtar, karaoke – 50%-ǵa deıin 50 adamnan artyq emes, kórmeler – 70%-ǵa deıin 200 adamnan artyq emes», - dep túsindirdi Qarlyǵash Ádbijabbarova.
Spıker 24 qańtardan bastap balabaqshalardyń ata-analardyń ótinishi boıynsha shtattyq formatta, jalpy bilim beretin mektepterge – 600 balaǵa deıingi kontıngenti bar 1-4 synyptarǵa shtattyq formatta, al 600-den astam oqýshysy bar mektepterge – 50%-na shtattyq formatta jumys isteýge ruqsat etilgenin habarlady.
«Sondaı-aq, mektepten tys jáne bilim berý ortalyqtarynyń shtattyq formattaǵy, JOO men kolejderdiń aralas formattaǵy jumysyna ruqsat etildi. Vaksınalanǵan oqýshylarǵa mektep ákimshiliginiń qalaýy boıynsha oflaın rejımde ruqsat etiledi», - dep naqtylady spıker.