Óńirlik komýnıkasıalar qyzmetiniń onlaın brıfıńinde «omıkrondy» juqtyrý erekshelikteri, sondaı-aq Almatyda vaksınalaý jáne revaksınalaý barysy týraly qalalyq qoǵamdyq densaýlyq basqarmasy basshysynyń orynbasary Svetlana Sultanǵazıeva aıtyp berdi, dep habarlaıdy Almaty-akshamy.kz
Almatyda 2022 jylǵy 24 qańtarda koronavırýstyq ınfeksıanyń 1501 jaǵdaıy tirkeldi, onyń ishinde 1350 jaǵdaı sımptomdy jáne 151 jaǵdaı sımptomsyz.
322 adam emdelip shyqty, 229 adam tústi.
Barlyǵy 3 310 tósek-orynǵa eseptelgen ınfeksıalyq stasıonarlarda 1 417 adam emdelýde. Onyń 145-i bala.
QDB basshysy orynbasarynyń aıtýynsha, búginde úıde AMSK mobıldi brıgadalarynyń jáne Telemedısına ortalyǵynyń baqylaýynda 11 191 pasıent bar: sımptomdy– 10 576 adam, jeńil, ortasha dárejeli jáne sımptomsyz – 615 adam.
S. Sultanǵazıeva «omıkron» nusqasy derti aǵymynyń ereksheligi nede ekenin túsindirdi.
«Bul shtamm óte juqpaly jáne qysqa ınkýbasıalyq kezeńmen erekshelenedi. Eger buryn biz ınkýbasıalyq kezeń 21 kún dep aıtatyn bolsaq, qazir keıbir jaǵdaılarda bul 2-3 kún. Aýrýdyń negizgi kórinisteri: ıntoksıkasıa belgileri, bas aýrýy, qyshý, tamaq aýrýy, qurǵaq jótel. «Delta» nusqasynda jıi kezdesetin belgiler –dám men ıis, ıis joǵalýy qazir óte sırek kezdesedi», - dedi QDB basshysynyń orynbasary.
Almaty qalasynda 2 sáýirden bastap halyqty jappaı vaksınalaý bastalǵany belgili.
Vaksınalaý úshin medısınalyq uıymdarda, mektepterde, mádenıet, sport obektilerinde, bazarlarda jáne qalanyń SOSO-da 250 egý pýnktin iske qosý josparlanýda. Qazirgi ýaqytta 119 pýnkti bar, tolyq rejımde 520 adamnan turatyn 140 egý brıgadasy jumys isteıdi.
Búginde Almatyda 1 101 185 adam vaksınalandy. Egilgenderdiń jalpy sanynan 60 jastan asqandar 123 979 adamdy quraıdy.
Ótken táýlikte Almatyda birinshi komponentpen 1998 adam, ekinshi komponentpen 1118 adam egildi.
Pfizer (Comirnaty) vaksınasyn Almaty qalasynyń 38 518 turǵyny aldy, onyń ishinde 2 060 júkti áıel, 8 359 bala emizetin áıel, 28 099 bala men jasóspirim.
Almatyda 22 qarashadan bastap KVI revaksınalaýy bastaldy, 122 960 almatylyq vaksınany qaıta aldy.