Almatyda 27 qańtardan bastap «Ashyq» jobasyna qatysatyn nysandar úshin jumys jáne demalys kúnderindegi ýaqyt boıynsha jumys rejımi belgilenbeıdi. Bul týraly Óńirlik komýnıkasıalar qyzmetiniń brıfıńinde qalalyq sanıtarlyq-epıdemıologıalyq baqylaý departamenti basshysynyń orynbasary Ásel Qalyqova aıtty, dep habarlaıdy Almaty-akshamy.kz
Spıkerdiń aıtýynsha, «Ashyq» jobasy aıasynda 17-26 qańtarda «qyzyl» jáne 25 «sary» mártebesi bar 1255 tulǵa anyqtaldy, onyń ishinde jobanyń erikti qatysýshylarynyń obektilerinde 286 turǵynnyń «qyzyl» mártebesi, 5 turǵynnyń «sary» mártebesi bar.
Shekteý sharalaryn jeńildetý maqsatynda aǵymdaǵy jyldyń 27 qańtaryndaǵy №3 Almaty qalalyq BMSDQ qol qoıyldy, oǵan kelesi ózgerister engizildi:
- «Ashyq» jobasyna qatysatyn obektiler úshin jumys jáne demalys kúnderi ýaqyt boıynsha jumys rejımi belgilenbeıdi;
– «Ashyq» jobasyna qatysatyn obektiler úshin epıdemıologıalyq ahýaldy baǵalaý matrısasyna sáıkes óńirlerdegi kelýshilerde beıtarap («kók») nemese qaýipsiz («jasyl») mártebesi bolǵan jaǵdaıda: «jasyl» aımaqta – qyzmeti shekteýsiz; «sary» jáne «qyzyl» aımaqtarda – obektilerdiń tolymdylyǵy boıynsha shekteýleri bar.
Budan basqa, «Ashyq» jobasyna qatysatyn obektiler úshin epıdemıologıalyq ahýaldy baǵalaý matrısasyna sáıkes epıdemıologıalyq táýekel aımaǵyna qaramastan qyzmetkerler men kelýshilerdiń qaýipsiz («jasyl») mártebesi bolǵan jaǵdaıda – shekteýsiz qyzmet.
Ásel Qalyqova bilim berý mekemelerine bilim berýdiń kelesi formatyna ruqsat etilgenin atap ótti: ata-analardyń ótinishi boıynsha shtattyq formatta; jalpy bilim beretin mektepterdiń jumysy: 1-4 synyptar – shtattyq formatta; 660 balaǵa deıingi mektepter – shtattyq formatta; 600-den astam bala mektepter – 50% qýattylyqta shtattyq formatta.
Qalanyń sanıtarlyq-epıdemıologıalyq baqylaý departamenti basshysynyń orynbasary KVI naýqastarymen baılanysta bolǵandarǵa qatysty shekteýler men ruqsattar týraly aıtty.
«Eger ekinshi komponentti alǵannan keıin 6 aıdan aspaǵan bolsa, revaksınasıany nemese COVID-19-ǵa qarsy vaksınasıanyń tolyq kýrsyn alǵany týraly qujattyq rastaý bolǵan kezde úı karantınine oqshaýlanbaıdy. 7-shi kúni PTR ádisimen COVID-19-ǵa tekserý júrgiziledi. PTR-zertteýdiń teris nátıjesimen úı karantıni aıaqtalady. Eger 7-shi kúni COVID-19-ǵa zerthanalyq tekserý júrgizilmese, úı karantıni oqshaýlanǵan sátten bastap 10 táýlik ótkenge deıin jalǵasady», - dedi Ásel Qalyqova.