Almatyda epıdemıologıalyq ahýal ýshyqty
Osyǵan baılanysty oqýshylar onlaın formatta oqıtyn bolady, dep habarlaıdy Almaty-akshamy.kz QazAqparatqa silteme jasap.
«Almatyda 31 qańtarǵa deıin mektep oqýshylary qashyqtan oqıdy. Al stýdentter 6 aqpanǵa deıin onlaın formatta bilim alady», - dedi Almaty qalasynyń bas sanıtarlyq dárigeriniń mindetin atqarýshy Sádýaqas Baıǵabylov.
Buǵan deıin ol Almaty qalasy «qyzyl» aımaqqa kirgeni týraly aıtqan bolatyn.
«QR Bas memlekettik sanıtarlyq dárigeriniń qaýlysyna sáıkes, Almaty qalasynda shekteý sharalaryn qatańdatý 5 kún ishinde, múmkin odan buryn qabyldanatyn bolady. Árıne, bul Almaty qalasyndaǵy sońǵy oqıǵalar aıasynda kásipkerler men qala turǵyndaryna qosymsha salmaq. Biraq, koronavırýs «eshqaıda ketken joq», vaksınalanbaǵan halyq ony óte kóp juqtyryp jatyr», - dedi ol.