Áýezov aýdanynda sońǵy 5 jylda salynǵan turǵyn úı keshenderindegi aýlalarǵa kóptiń kóńili tolmaıdy
Almatynyń Áýezov aýdanynda 161 aýlada kúrdeli jóndeý jumystary júrip jatyr. Merdiger kompanıa ókilderi sharýany kúzdiń sońyna deıin aıaqtamaq. Aıta keteıin, qala ákiminiń kezdesýi kezinde aýdan turǵyndary abattandyrý men jaryq baǵanalaryna qatysty máseleni kóp kótergen bolatyn. Tolyǵyraq Almaty-akshamy.kz Almaty.tv-ge silteme jasap.
Áýezov aýdanynda sońǵy 5 jylda salynǵan turǵyn úı keshenderindegi aýlalarǵa kóptiń kóńili tolmaıdy. Ásirese balalar alańy men skverler sapasyz ornatylǵan, abattandyrý jumystary aqsap tur deıdi halyq. Bul máseleni qala basshysy aýdan jurtymen kezdeskende de aıtqan.
Halyq shaǵymyn tyńdaǵan qala ákimi jaýaptylarǵa birden tapsyrma júktegen. Aýdan basshylyǵy mekenjaılarǵa arnaıy baryp tekserý júrgizdi. Mundaǵy oıyn alańqaılaryn jekemenshik merdiger kompanıa salǵan. Endi olar óz qarajatyna qaıta jóndeý júrgizileri kerek.
«Qala ákiminiń kezdesýinen keıin merdiger kompanıa ókilderin shaqyrdyq. Balalar alańyndaǵy olqylyqtardy bir aıdyń ishinde kelip, der kezinde jóndep ketti. Jumys tolyq aıaqtaldy dep aıtýǵa erte. Endi jaryq baǵanalaryn ornatý ǵana qaldy. Bul sharýa da úıdi turǵyzǵan jeke menshik kompanıanyń jaýapkershiliginde», – dedi «Spýtnık» turǵyn úı kesheniniń basqarýshysy Abaı Erimbetov.
«Bizder ótinish jazdyq, turǵyndar bolyp. Ákimshilikke, JKH-ǵa jazdyq. Sodan keıin qaıtadan jasap berdi bul jerdi, raqmetimizdi aıtamyz. Qazir óte yńǵaıly, balalarymyz tańnan keshke deıin osy jerde oınaıdy shyny kerek», – dedi Áýezov aýdanynyń turǵyny Gúldana Safeeva.
Sondaı-aq, qazir jergilikti búdjet qarajaty esebinen 161 aýlaǵa kúrdeli jóndeý júrgizilip jatyr. Jumys 15 qyrkúıekte bastalǵan.
«Bizdiń jospar boıynsha 191 aýla jóndelýi kerek bolatyn. Qazir 161 aýlaǵa jóndý júrgizilip jatyr. Bizde qalǵan 7 jáne 12 yqsham aýdandary. Qazir aýa raıynyń qubylaýyna baılanysty bul jumystardy keıingi jylǵa qaldyramyz dep josparlap otyrmyz», – dedi Áýezov aýdandyq komýnaldyq sharýashylyq bóliminiń basshysy Erasyl Baqytjanuly.
Aýlany abattandyrý men balalar alańyn salý jumystarynyń basym bóligi «Halyq qatysatyn búdjet» jobasy esebinen júrgiziledi. Turǵyndar ıgiligin kórip úlgergen qalalyq baǵdarlama aldaǵy jyly da jalǵasady.