Kún saıyn Jasyl ekonomıka basqarmasy men polısıa departamentiniń qyzmetkerleri 11 ekıpajben jolǵa shyǵady.
Qala ákimi Baqytjan Saǵyntaevtyń tapsyrmasy boıynsha Almatyda kólikterdiń ekologıalyq normalarǵa sáıkestigin tekserý reıdteri júrgizilýde, dep habarlaıdy Almaty-akshamy.kz
Ekoposttardyń testilik rejımdegi jumysy barysynda 2550 kólik tekserildi, onyń ishinde 1193 kólik dızeldik otynmen, 1357 benzın men júrse, 589 kólikte paıdalanylǵan gaz mólsheri qalyptan asqan. Tekserilgen barlyq kóliktiń 23%-y - ekologıalyq normaǵa saı kelmeıdi.
Qurylys alańdarynda qorshaǵan ortany qorǵaý sharalaryn buzǵan 269 júk kóligi anyqtaldy.
Sonymen qatar, «Ákimshilik quqyqbuzýshylyq týraly» kodekstiń 334-babyna sáıkes, júris kezinde aýany lastaıtyn shyǵaryndylary men shýy bekitilgen normadan asyp túsetin kólik pen ózge de jyljymaly quraldardy paıdalanǵany úshin eskertý nemese jeke tulǵalarǵa on, zańdy tulǵalarǵa 100 aılyq eseptik kórsetkish kóleminde aıyppul qarastyrylǵan.
Sondaı-aq, osy baptyń 1-tarmaǵyna sáıkes, atalǵan quqyq buzýshylyq bir jyldyń ishinde taǵy qaıtalanǵan jaǵdaıda jeke tulǵalarǵa 20, zańdy tulǵalarǵa 200 aılyq eseptik kórsetkish kóleminde aıyppul salynady.
Eske sala keteıik, qazirgi kezde Almatynyń kire beristerinde 19 ekopost ornatyldy. Qazirgi tańda onyń 15-i iske qosyldy, qalǵany osy jyldyń aıaǵyna deıin iske qosylady dep kútilýde. Barlyq posttar arnaıy ólsheýish quraldar men beınebaqylaý kameralarymen jasaqtalǵan.
Qalalyq polısıa departamenti, «Ákimshilik quqyqbuzýshylyq týraly» kodekstiń 334-babyna sáıkes, sońǵy on aı ishinde 18799 kólikke qatysty jalpy somasy 24 876 mln teńgeni quraıtyn ákimshilik hattama toltyrǵan.
Monıtorıń ekologıalyq normalardyń buzylýy negizinen Talǵar, Qarasaı aýdandarynan keletin kólikterde kóptep baıqalatyndyǵyn kórsetti (Talǵar, Dýman, Eshim posttary).