KIIZ ÚI jáne SALIÝT-1 koleksıalyq monetalary aınalymǵa shyǵady

KIIZ ÚI koleksıalyq monetalary týraly:

Nomınaldary 5 000 jáne 500 teńgelik kúmisten jasalǵan KIIZ ÚI monetalary «Dala qazynasy» serıasyn jalǵastyrady. Monetalardyń dızaıny kıiz úı keńistiginiń sheksizdigi men ondaǵy kóshpendiler áleminiń ornyn bildiredi.

Kıiz úı – kóshpeli túrki halyqtarynyń ǵasyrlar boıy qalyptasqan dástúrin saqtaǵan, ulttyq qazyna sanalatyn dástúrli qonysy. Ol adam men dúnıeniń, kúndelikti ómir men mádenıettiń ózara baılanysyn beıneleıdi.

 

Monetalardyń aversinde kıiz úı men dala keńistiginiń keltirilgen beıneleri aıasynda Qazaqstan Respýblıkasynyń Memlekettik eltańbasy ornalasqan, joǵary bóliginde –QAZAQSTAN RESPÝBLIKASY jazýy, tómengi bóliginde – Qazaqstan teńge saraıynyń taýar belgisi (logotıpi), monetalardyń nomınalyn bildiretin massasy 1 000 gramdyq monetada – «5 000 TEŃGE»  jáne massasy 31,1  gramdyq monetada – «500 TEŃGE» degen jazý, sondaı-aq monetalar daıyndalǵan metal, synamasy men salmaǵy týraly málimetter bar.

Monetalardyń reversinde kıiz úıdiń, onyń ishki jabdyǵynyń beınesi men kóshpendi halyqtardyń etnomádenı ómirin aıqyndaıtyn turmystyq zattar beınelengen jáne KIIZ ÚI jazýy bar.             

Monetalar:

- ınterferensıalyq qubylmalylyq beıneleý jáne altyn jalatý tehnologıasyn qoldana otyryp 925/1000 synamaly kúmisten, massasy – 1 000 gram, dıametri – 100 mm, sapasy – «proof», nomınaly – 5 000 teńgelik, taralymy – 350 dana;

- ınterferensıalyq qubylmalylyq beıneleý jáne altyn jalatý tehnologıasyn qoldana otyryp 925/1000 synamaly kúmisten, massasy – 31,1 gram, dıametri – 38,61 mm, sapasy – «proof», nomınaly – 5 00 teńgelik, taralymy – 5 000 dana.

Bul monetalar olardyń belgilengen quny boıynsha Qazaqstan Respýblıkasynyń búkil aýmaǵynda tólemderdiń barlyq túri boıynsha, sondaı-aq bank shottaryna esepteý úshin jáne Qazaqstan Respýblıkasynyń barlyq bankinde aýdarý, usaqtaý jáne aıyrbastaý úshin qabyldanýǵa jatady.

Monetalar kádesyı oramynda shyǵarylady, olardyń memlekettik, orys jáne aǵylshyn tilderinde QUB-tyń nómirlik sapa sertıfıkaty bar.

Koleksıalyq monetalar Qazaqstan teńge saraıynda daıyndalǵan.

SALIÝT-1 kolleksıalyq monetalary týraly

Nomınaly 500 teńgelik tantal bar kúmisten, nomınaly 200 teńgelik melhıor qospasynan jáne nomınaly 100 teńgelik neızılber qospasynan jasalǵan SALIÝT-1 koleksıalyq monetalary «Ǵarysh» serıasyn jalǵastyrady. Monetalar Baıqońyr ǵarysh aılaǵynan basqarylatyn álemdegi alǵashqy «Salút-1» orbıtalyq ǵarysh stansıasynyń ushyrylǵanyna 50 jyl tolýyna oraılastyrylǵan.

Monetalardyń sıpattamasy

Moneta aversiniń ortalyq bóliginde ótken men búginniń baılanysy retinde adam men Ǵalamnyń birligin bildiretin kompozısıa beınelengen. Monetalardyń oń jaǵynda: tantal aralas kúmisten jasalǵan monetada – «500 TEŃGE», melhıor qospasynan jasalǵan monetada – «200 TEŃGE», neızılber qospasynan jasalǵan monetada – «100 TEŃGE» nomınalyn bildiretin jazýlary bar.

Tantal bar kúmisten jasalǵan monetadaǵy nomınaldyń astynda moneta jasalǵan metaldy, onyń synamasy men massasyn bildiretin «Ag 925 14,6 g Ta 26,8 g» degen jazý ornalasqan. Tómengi jaǵynda – Qazaqstan teńge saraıynyń logotıpi bar. Jıeginde aınaldyra memlekettik tilde «QAZAQSTAN RESPÝBLIKASY» jáne aǵylshyn tilinde «REPUBLIC OF KAZAKHSTAN» degen jazýmen kómkerilgen.

Monetalardyń syrt jaǵynda (reversinde) ortasynda «Salút – 1» orbıtalyq ǵarysh stansıasynyń beınesi ornalasqan. Aınaldyra – monetalardyń memlekettik tildegi, orys jáne aǵylshyn tilindegi aty, sondaı-aq oqıǵanyń mereıtoılyq datasyn bildiretin «1971-2021» jazýy bar. Sol jaǵynda – ǵaryshtan kórinetin Jer betiniń beınesi. Tómengi bóliginde - aǵylshyn tilindegi BAIKONUR jazýy bar.

Monetalar:

- massasy 41,4 gram kúmisten jáne tantaldan (saqına – 925 synamaly kúmisten, massasy 14,6 gram, dısk – massasy 26,8 gram tantaldan) daıyndalǵan, dıametri 38,61 mm, «proof» daıyndaý sapasymen, nomınaly 500 teńgelik, daıyndaý taralymy – 2500 dana;

- MN 25 melhıor qospasynan daıyndalǵan, massasy 15 gram, dıametri 33 mm, «proof-like» daıyndaý sapasymen, nomınaly 200 teńgelik, daıyndaý taralymy – 10 000 dana;

- MNS 15-20 neızılber qospasynan daıyndalǵan, massasy 11,17 gram, dıametri 31 mm, «uncirculated» daıyndaý sapasymen, nomınaly 100 teńgelik, daıyndaý taralymy – 100 000 dana.

Bul monetalardyń barlyǵy olardyń belgilengen quny boıynsha Qazaqstan Respýblıkasynyń búkil aýmaǵynda tólemderdiń barlyq túri boıynsha, sondaı-aq bank shottaryna esepteý úshin jáne Qazaqstan Respýblıkasynyń barlyq bankterinde aýdarý, usaqtaý jáne aıyrbastaý úshin qabyldanýǵa jatady.

Monetalar kádesyılyq oramda shyǵarylady, olardyń memlekettik, orys jáne aǵylshyn tilderinde QUB-tyń nómirlik sapa sertıfıkaty bar.

Koleksıalyq monetalar Qazaqstan teńge saraıynda daıyndalǵan. Monetalardyń satylymǵa shyǵatyn kúnine qatysty aqparat QUB resmı saıtynda qosymsha habarlanady.