Tıimdiligin arttyrý men áserin nyǵaıtý úshin óńdeý jumystary jaýyn-shashyn joq kezde túngi ýaqytta júrgiziledi.
Aǵashtardyń qalypty jaǵdaıyn saqtaý jáne zıankesterge tózimdiligin arttyrý maqsatynda Almatyda qalanyń jasyl jelegin bıologıalyq óńdeý jumystary júrgizilip jatyr, dep habarlaıdy Almaty-akshamy.kz
Aldyńǵy jyldardaǵy óńdeý jumystarynyń nátıjesine sáıkes preparattardyń talshyn kúıe kóbelegi, dolana japyraq shıratqysh kóbelegi, raýshan japyraq shıratqysh kóbelek sıaqty polıfag kemirgishterge qarsy áseriniń kúshti ekendigi anyqtaldy.
Byltyr júrgizilgen jumystyń nátıjesi boıynsha preparattar kashtan kóbelegi, dolana jáne raýshan japyraǵy jáne t.b. sıaqty qorek talǵamaıtyn zıankesterge qatty áser etkeni anyqtaldy.
Al monofag zıankesterge óńdeýden keıingi áserdi kúsheıtý úshin byltyrdan bastap birinshi kezeńde (vegetasıa basynda) emender tórt ret, terekter eki retten óńdeletin bolady. Buǵan deıin olar bir ret qana óńdeletin, alaıda óńdeý rettiligi azdyǵynyń tıimsiz ekendigi dáleldendi jáne aǵashtardy saqtap qalýǵa múmkindik bermeıtini anyqtaldy
Jumys barysynda adamdarǵa qustar men janýarlarǵa zıansyz, klımattyq erekshelikterdi eskere otyryp QR aýmaǵynda qoldanýǵa ruqsat berilgen sertıfıkattalǵan qaýiptiligi tómen klassqa jatatyn (P-4) bıologıalyq jáne keıbir kezderde hımıalyq preparattar qoldanylady.
Japyraq kemirgish jáne zeń aýrýlaryn qozdyrǵysh zıankesterge qarsy óńdeý jumystarymen 2,3 mln astam aǵashty qamtý josparlanǵan. Zıankester men aýrýlardyń bıologıalyq erekshelikterine qaraı óńdeý jumystary túnde jáne tańǵy ýaqytta júzege asyrylady.
Bıyl bıologıalyq óńdeý jumystary ádettegideı tórt kezeńmen júrgiziledi: 29 sáýirden 30 mamyrǵa deıin; 10 maýsymnan 10 shildege deıin; 20 shildeden 20 tamyzǵa deıin jáne 30 tamyzdan 30 qyrkúıekke deıin. Óńdeý kestesine aýa raıyna baılanysty ózgerister engizilýi múmkin.