Almatyda jumyssyzdyq deńgeıi tómendegen.
Halyqty jumyspen qamtý máselesi mańyzdy máselelerdiń biri bolyp qala beredi. Bul týraly Óńirlik komýnıkasıalar qyzmetiniń brıfıńinde Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov málimdedi, dep habarlaıdy aqshamnews.kz
«Aǵymdaǵy jyldyń 7 aıynda jumys izdep júrgen 43,5 myń qala turǵyny Eńbek mobıldiligi ortalyǵyna júgindi, onyń ishinde 33 myń adam jumyssyz mártebesin aldy. Jalpy, osy kezeńde 31 myń adam jumyspen qamtýdyń belsendi sharalaryna tartyldy (16 mlrd.teńge bólindi), onyń ishinde turaqty jumysqa 4,4 myń adam, sýbsıdıalanatyn jumys oryndaryna 9,8 myń adam jumysqa ornalastyryldy», - dedi Baýyrjan Jaýbasov.
Enbek.kz platformasynda «Bastaý Bıznes» jobasy boıynsha jáne daǵdylarǵa oqytýdan 2 myń adam ótti.
İsin jańa bastaǵan 177 kásipker 1,5 mln.teńgeden memlekettik granttar aldy, olardyń negizgi úlesin nemese 68%-n (120 adam) kópbalaly otbasylar quraıdy, sondaı-aq 46 adam múgedek adamdar jáne múgedek balalardy tárbıelep otyrǵan otbasylar.
ÓKQ spıkeri atap ótkendeı, qysqa merzimdi oqytýǵa joldama berý maýsym aıynan bastaldy, búgingi kúni 358 jumyssyz oqıdy (jospar 950 adam). Oqytý keıinnen jumysqa ornalasýmen júrgiziledi.
«Oqý ortalyqtary (17 kásip boıynsha 25 oqý ortalyǵy) bilim alýshylardyń keminde 60% -n jumysqa ornalastyrýǵa mindetti. Sondaı-aq jumys berýshiler bazasynda (26 kásip boıynsha 15 jumys berýshi) jumyssyzdardy keıinnen kásiporynda jumysqa ornalastyrýmen oqytýdan ótedi», - dep naqytylady ol.
14,5 myń oqýshy, stýdentter men jumyssyzdar arasynda kásiptik baǵdar ótkizildi.
«Aǵymdaǵy jyly iske asyrylyp jatqan tujyrymdamalar men kásipkerlik sýbektileri sheńberinde 36 628 jumys orny quryldy (87 025 josparynyń 42%), onyń ishinde 26 573 turaqty jumys orny (68 296 josparynyń 39%), 10 055 ýaqytsha jumys oryndary (18 729 jospardyń 53,7%.)», - dep atap ótti B.Jaýbasov.
Osylaısha, halyqty jumyspen qamtý boıynsha memleket iske asyratyn barlyq sharalar qalada jumyssyzdyq deńgeıin 1 toqsanda 5% - dan 4,7% - ǵa deıin tómendetýge múmkindik berdi, bul respýblıka boıynsha kórsetkishpen birdeı deńgeıde.
Almatyda zeınetkerlerdi jumysqa ornalastyrý baǵdarlamasy da iske qosylǵan.
«Burynda aıtqanymdaı, biz zeınetkerlik jastaǵy adamdardy jumyspen qamtýǵa tartý boıynsha teń jaǵdaılar jasaý, olardyń belsendi fızıkalyq jáne emosıonaldyq jaǵdaıyn qoldaý, tálimgerlik ınstıtýtynyń ujymdarynda damytý maqsatynda jumysqa ornalastyrý boıynsha Jumyspen qamtýdyń jańa baǵdarlamasyn engizdik. Eńbekke aqy tóleý eki kózden júrgiziledi: qala búdjeti qarajaty esebinen 85 myń teńgeden aspaıtyn sýbsıdıalaý, sondaı-aq jumys berýshiniń esebinen belgilengen jalaqy mólsheriniń keminde 50% mólsherinde. Búgingi tańda 200-ge jaqyn zeınetker jumysqa ornalastyryldy, jyldyq jospary 500 adam», - dep tolyqtyrdy Baýyrjan Jaýbasov.
Bul baǵdarlama 1,5 myńǵa deıin zeınetkerdi qamtı otyryp 2024-2026 jyldarǵa arnalǵan.