Jyl ótken saıyn aýylsharýashylyqpen aınalysatyn sharýalardyń jumysy shatqaıaqtap barady. Nege? Ótken jyly qanshama sharýa pıaz egip shyǵynǵa molynan batty. Qaýyn-qarbyz egýshi dıqandar da birneshe jyl ónimderin dalada qaldyrdy. Sonyń saldary ma bıyl Qazaqstanda baqsha daqyldarynyń egis alqaby 8,9% - ǵa azaıypty, dep habarlaıdy aqshamnews.kz.
Qazaqstan Respýblıkasy Strategıalyq josparlaý jáne reformalar agenttigi Ulttyq statısıka búrosynyń (UBS) esepterine sáıkes, bıylǵy maýsymda qarbyz men qaýyn 98,1 myń gektar jerge egilgen. Salystyrmaly túrde ótken jyly jalpy egis alqaby 107,6 myń gektar bolǵan. Bıylǵy jyly qaýyn-qarbyzdy egýge sharýa qojalyqtary men jeke kásipkerler kóbirek basymdyq beripti. Nátıjesinde egis alqaptardyń 82%-na kásipkerler dán ekken.
Bıylǵy jyly da qaýyn-qarbyz egýden Túrkistan oblysynan eshkim basyp oza almady. Elimizdegi ystyq aımaqta qaýyn-qarbyz alańy 73,8 myń gektarǵa jetken. Bul el aýmaǵy boıynsha jalpy alańnyń 75,2%-y. Ońtústik oblystarda qaýyn ósiretin ortańqol sharýalar da bar. Biraq olar búdjetten kómek bolmaǵan soń qulqy kete bastaǵan. Jalpy egis alqabynyń 17,9 myń gektaryna daqyl ekken.
Ulttyq statısıka búrosy málimetteri boıynsha, ótken jyly dıqandar 2,8 mıllıon tonna baqsha daqyldaryn jınaǵan. Onyń 1,4 mıllıon tonnasy qarbyz. Bul qıyn, qurǵaqshylyq oryn alǵan ótken jylǵy jetken jetistik. Al 2024 jyly sýarmaly sý jaǵdaıy jaqsy jaqqa ózgerdi. Kóktemgi sý tasqynynan keıin Shardara sýmen jabdyqtaý qoımasy 90% - ǵa toldy. Demek Túrkistan oblysynyń dıqandary úshin bul óte qolaıly jaǵdaı. Tipti, osyndaı múmkindikti paıdalanyp, ekinshi ret ónim alýǵa múmkindikteri bar. Sondyqtan byltyrǵy kórsetkishti basyp ozýǵa nıet bildirýi tıis. Ótken jylǵy kórsetkishti jańarta alar ma eken. Ony ýaqyt enshisine qaldyrdyq.