Óńirlik komýnıkasıalar qyzmetiniń brıfıńi barysynda az qamtylǵan azamattardy áleýmettik qoldaý týraly Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov habarlady.
Jalpy, ótken kezeńde áleýmettik kómek túrlerin 5,4 mlrd teńgege 189 myń adam aldy.
«Az qamtylǵan halyqty qoldaý baǵyttarynyń biri áleýmettik kómektiń 20 túrin kórsetý bolyp tabylady. Áleýmettik kómektiń negizgi alýshylary ardagerler men olarǵa teńestirilgen adamdar, jalǵyzbasty zeınetkerler, múgedektigi bar adamdar, ómirlik qıyn jaǵdaıǵa tap bolǵan adamdar, áleýmettik mańyzy bar aýrýlardyń keıbir túrleri bar adamdar bolyp tabylady», - dedi Baýyrjan Jaýbasov.
Ol jyl saıyn áleýmettik kómektiń mólsheri qaıta qaralyp, sondaı-aq kómektiń jańa túrleri engiziletinin atap ótti.
Basqa memleketterdiń aýmaǵynda jaýyngerlik qımyldarynyń ardagerleri úshin Keńes áskerleriniń shekteýli kontıngentin Aýǵanstannan shyǵarý kúnine 100 myń teńgeden jańa tólem engizildi. Osylaısha, basqa memleketterdiń aýmaǵyndaǵy 3 225 jaýyngerlik is-qımyl ardagerlerine 9 mamyr men 15 aqpanǵa 200 myń teńgeden tólendi.
Budan basqa, belgilengen kvotaǵa sáıkes jeltoqsan oqıǵasynyń muqtaj qatysýshylaryna (120 kvotadan) jáne zeınetkerlik jasqa tolmaǵan basqa memleketterdiń aýmaǵyndaǵy jaýyngerlik qımyldarynyń ardagerlerine (180 kvotadan) jyl saıynǵy sanatorıı-kýrorttyq emdeý usyný kózdelgen.
Qosymsha áleýmettik qoldaý maqsatynda Almaty qalasy máslıhatynyń qoldanystaǵy sheshimine ózgerister engizildi, onda 1986 jylǵy jeltoqsan oqıǵalarynyń aqtalǵan qatysýshylaryna QR Táýelsizdik kúnine oraı birjolǵy áleýmettik kómek mólsheri 150 myń teńgeden 250 myń teńgege deıin ulǵaıtyldy. Bul kómekti jeltoqsan oqıǵasynyń 677 qatysýshysy alady. Sondaı-aq, 1986 jylǵy jeltoqsan oqıǵasynyń aqtalǵan qatysýshylary qalalyq qoǵamdyq kólikte (taksıden basqa) tegin jol júrýge quqyly.
ÓKQ spıkeri qaı otbasylarǵa komýnaldyq qyzmetterdi ishinara tóleýge kómek kórsetiletinin aıtty. «Komýnaldyq qyzmetterge tarıfterdiń ósýine baılanysty «Investısıalarǵa tarıfterdi aıyrbastaý» baǵdarlamasy sheńberinde 2023 jylǵy shildeden bastap azamattardyń jekelegen 9 sanatyna 0,5 AEK mólsherinde áleýmettik kómek tólendi,. Aǵymdaǵy jyly atalǵan áleýmettik kómektiń mólsheri 0,8 AEK-ke deıin ulǵaıtyldy. Tólemderdi 140 myńnan astam adam aldy. Búgingi kúni atalǵan kómek boıynsha tólemder aıaqtaldy», - dedi B.Jaýbasov
- Jan basyna shaqqandaǵy ortasha tabysy kedeılik sheginen tómen otbasylarǵa kórsetiletin ataýly áleýmettik kómekti 2 536 otbasy nemese 12 859 adam aldy.
- Kedeılik shegi toqsan saıyn eń tómengi kúnkóris deńgeıiniń 70% mólsherinde aıqyndalady. 2024 jylǵy 3 toqsanda eń tómengi kúnkóris shegi – 53 032 teńge, kedeılik shegi – 37 122 teńge.
1 jastan 6 jasqa deıingi balalary bar AÁK alýshylar 4 050 balaǵa azyq-túlik jáne turmystyq hımıa ónimderin satyp alý úshin aqshalaı tólemmen qamtamasyz etilgen.
* 683 otbasy (27 mln. teńge) komýnaldyq qyzmetterdi tóleýge aı saıynǵy turǵyn úı kómegin aldy, eger komýnaldyq shyǵystar otbasynyń jıyntyq tabysynyń 5% - nan asatyn bolsa;
* Aýǵanstandaǵy soǵys qımyldary kezeńinde qaza tapqan UOS múgedekterine, UOS-da qaza tapqan jesirlerge, ata-analary men jubaılaryna aı saıyn 6,5 AEK áleýmettik kómek tólenedi. Bul kómek 56 adamǵa kórsetildi.
Az qamtylǵan otbasylarǵa gaz jabdyqtaryn, sý men gazdy esepke alý qurylǵylaryn júrgizýge jáne ornatýǵa, múgedek balalardy úıde oqytýǵa jumsalǵan shyǵyndar óteledi:
* gaz jabdyǵy - 4 adam;
* sý men gazdy esepke alý qurylǵylary - 167 adam;
-múgedek balalardy úıde oqytý – 961 adam .
Ómirlik qıyn jaǵdaıǵa tap bolǵan adamdar úshin áleýmettik kómektiń mynadaı túrleri kórsetiledi:
- 20 AEK mólsherinde áleýmettik kómek (73 840 teńge) eger otbasynyń jan basyna shaqqandaǵy ortasha tabysy eń tómengi kúnkóris deńgeıiniń 2 eselengen mólsherinen (106 064 teńge) aspasa; 6 907 adam (713,2 mln. teńge) kómek aldy;
- órtten nemese dúleı zilzaladan zardap shekkenderge 200 AEK mólsherinde (738 400 teńge) áleýmettik kómek, 18 adamǵa (50,2 mln. teńge) tólendi;
- Sondaı-aq týberkýlez jáne JITS-pen naýqastanǵan aamattarǵa da áleýmettik kómek qarastyrylǵan:
* týberkýlezben aýyratyn jáne dıspanserlik esepte turǵan adamdarǵa emniń ambýlatorıalyq kezeńinde 12 AEK mólsherinde, 630 adam alǵan;
* Almaty qalasynyń JITS ortalyǵynda dıspanserlik esepte turǵan AITV juqtyrǵan balalarǵa 86 814 teńge mólsherinde. Atalǵan kómek 56 balaǵa kórsetildi;
Sonymen qatar, UOS ardagerlerine, olarǵa teńestirilgen adamdarǵa, tyl eńbekkerlerine Jeńis kúnine tólemder júrgizildi. Birjolǵy kómekke 2 mln. teńgeden 43 soǵys ardageri, ardagerlerge teńestirilgen 1 452 adam, basqa memleketterdiń aýmaǵynda 2 944 jaýyngerlik is-qımyl ardageri jáne Aýǵanstanda qaza tapqandardyń otbasylary 100 myń teńgeden ıe boldy; eńbek maıdanynyń 6 729 qatysýshysyna jáne qaıtys bolǵan soǵys ardagerleriniń 306 áıeline 50 myń teńgeden.