«Temiren» teatrynyń ártisteri mono dramadan úzindi qoıdy
Abaı kúnine arnalǵan merekelik is-sharalardyń legi «Júrektiń kózi ashylsa» atty ádebı-shyǵarmashylyq keshpen órbidi. Ortalyq mýzeı men Jazýshylar odaǵy uıymdastyrǵan keshke balalar úıiniń tárbılenýshileri men birqatar zıaly qaýym ókilderi qatysty, dep habarlaıdy Almaty-akshamy.kz Almaty.tv-ge silteme jasap.
İs-shara aıasynda «Temiren» teatrynyń ártisteri mono dramadan úzindi qoıyp, kópshilikke Abaı murasynyń mánin tanytty. «Abaı kúni – qazaqtyń izgilik pen órkenıet órine basqan taǵy da bir qaıyrly qadamy» deıdi uıymdastyrýshylar.
«Abaı atamyzdyń máńgilik murasyn nasıhattaýǵa arnalǵan ıgi sharany uıymdastyryp otyrmyz. Mundaǵy negizgi maqsatymyz – Abaı atamyzdyń dúnıege kelgen kúni onyń rýhanı ómiriniń ekinshi ómirin bastalǵandyǵyn keıingi urpaqqa nasıhattaý, dáleldeý», – dedi QR Memlekettik ortalyq mýzeıiniń dırektory Rashıda Harıpova.
«Abaıdaı uly tulǵasy barda qazaq esh ýaqytta adaspaıdy. Qandaı tumandy kúni, qandaı qalyń ormannyń ishinde bizdiń aldymyzda shamshyraǵymyz – Abaı bar. Abaı dana,Abaı dara árıne Abaı tek qana qazaqtyń ǵana emes, tek qana túrki tildes halyqtyń emes búkil adamzattyń maqtanyshy», – dedi akter, QR eńbek sińirgen qaıratkeri Bolat Ábdilmanov.