Joldaýynyń negizgi tezısteri túsindirildi.
Almaty qalasy Jumyspen qamtý jáne áleýmettik baǵdarlamalar basqarmasy basshysynyń orynbasary Danıar Álkebaıuly Óńirlik komýnıkasıalar qyzmetiniń brıfıńine qatysyp, Memleket basshysynyń áleýmettik tólemderdi arttyrýǵa qatysty Joldaýynyń negizgi tezısterin túsindirdi, dep habarlaıdy Almaty-akshamy.kz.
Danıar Álkebaıulynyń aıtýynsha, tehnologıalardyń qarqyndy damýy aıasynda eńbek naryǵynda Jumyspen qamtýdyń jańa ıkemdi túrleri paıda boldy, olar pandemıa kezinde erekshe ózekti bolyp, kóptegen azamattardyń eńbek qyzmetin ózgertti.
«Bul rette, «táýelsiz qyzmetkerler» dep atalatyn bul sanat olardyń eńbekke qabilettiliginen aıyrylýyna baılanysty jumysynan nemese tabysynan aıyrylǵan jaǵdaıda da áleýmettik qorǵalmaǵan kúıinde qalyp otyr, ol medısınalyq saqtandyrý júıesin qosa alǵanda, eshqandaı áleýmettik kepildiktermen qamtylmaǵan. Osyǵan baılanysty, mundaı qyzmetkerlerdiń jumyspen qamtylý nysany men sıpatyna qaramastan, birlesken jumys (bir jumys ornynda jumys isteıtin eki adam), qatar jumyspen qamtý (eki jumys ornynda bir qyzmetker), jyljymaly keste jáne t. b. eńbek quqyqtaryn qorǵaýdyń jańa tetikterin engizý qajettiligi týyndady», - dep túsindirdi ÓKQ spıkeri.
Bul «táýelsiz qyzmetkerlerdiń» Biryńǵaı jınaqtaýshy zeınetaqy qorynan zeınetaqy tólemderin, memlekettik áleýmettik saqtandyrý qorynan áleýmettik tólemderdi alýǵa jáne mindetti áleýmettik medısınalyq saqtandyrý júıesindegi medısınalyq kómekke quqyǵyn qamtamasyz etedi.
«Bul rette Memleket basshysy Joldaýda atap ótkendeı, Memlekettik áleýmettik saqtandyrý qorynan jarna tólegen azammatar úshin jumysynan aırylǵan kezde áleýmettik tólemder mólsheri ortasha aılyq tabystyń 45%-yna deıin jáne bala kútimi boıynsha tólem merzimderi 1 jastan 1,5 jasqa deıin ulǵaıtylady», - dep qosty Danıar Álkebaıuly.
Sonymen qatar, vedomstvo ókili elimizde eń tómengi jalaqy mólsheri arttyrylatynyn habarlady. Qazaqstan Respýblıkasynda eń tómengi jalaqy eń tómengi áleýmettik standart bolyp tabylatynyn aıta ketý kerek.
Sonymen qatar, jumysshylardyń jalaqysynyń tómengi shegi retinde eń tómengi jalaqy mólsheri barlyq jumys berýshiler úshin mindetti bolyp tabylady. Jáne tıisti qarjy jylyna jyl saıyn respýblıkalyq búdjet týraly QR Zańymen belgilenedi jáne eń tómengi kúnkóris deńgeıinen tómen bolmaýy tıis.
«Memleket basshysy Qazaqstan halqyna Joldaýynda eń tómengi jalaqy 70 myń teńgege deıin ulǵaıtylatynyn aıtyp ótti. Eń tómengi jalaqy ósken jaǵdaıda bul deńgeıde jalaqy alatyn 1,8 mln adamdy tikeleı qamtýǵa múmkindik beredi. Bul sondaı-aq qyzmetkerlerdiń razrádtary men biliktiliginiń eńbekaqy tóleýdiń ósýine yqpalyn eskere otyryp, jalaqy alatyn azamattardyń tabysyn eń tómengi jalaqydan joǵary deńgeıde arttyrýǵa múmkindik beredi», - dep túsindirdi spıker.
Memleket basshysy sondaı-aq Úkimetke dınamıkalyq tásilge negizdelgen jáne negizgi ekonomıkalyq kórsetkishterdi eskeretin eń tómengi jalaqyny anyqtaý ádistemesin engizýdi tapsyrdy.
Bul tapsyrma ýaqytyly jáne ózekti bolyp tabylady, óıtkeni ınflásıa bir orynda turmaıdy, azyq-túlik, taýarlar baǵasy qymbattaıdy.
Osyǵan baılanysty áleýmettik-ekonomıkalyq kórsetkishterdi eskeretin ádisteme negizinde ETJ mólsheriniń mólsherles ósýin qamtamasyz etý qajet.