«Altyn jas» baǵdarlamasyn iske asyrý 2024 jyldan 2028 jylǵa deıin josparlanǵan. Bul týraly Óńirlik komýnıkasıalar qyzmetiniń brıfıńinde Almaty qalasynyń Mansap ortalyǵynyń basshysy Ádilet Jańabaev aıtty, dep habarlaıdy almaty-akshamy.kz
Baǵdarlamaǵa zeınetkerlik jastaǵy adamdar (61 jasqa tolǵan áıelder, erler 63 jastan) qatysa alady.
«Bul baǵdarlama zeınetkerlik jastaǵy adamdardy jumysqa tartý, olardyń belsendi fızıkalyq jáne emosıonaldyq jaǵdaıyn qoldaý, eńbekke qabiletti halyq sanyn jáne tálimger rólin arttyrý boıynsha teń jaǵdaı jasaýǵa arnalǵan», – dedi Ádilet Jańabaev.
Baǵdarlamaǵa Almaty qalasynda tirkelgen jáne turatyn zeınet jasyndaǵylar, sondaı-aq menshik nysanyna qaramastan Almaty qalasynyń jumys berýshileri qatysady.
«Zeınetkerlik jastaǵy adamdardyń jalaqysy jumys berýshilerdiń qarajaty esebinen belgilengen jalaqynyń 50%-dan kem emes mólsherinde jáne jergilikti búdjet qarajatynan 50% mólsherinde sýbsıdıalaý, biraq 1 ETJ nemese 85 myń teńgeden aspaıtyn mólsherde júrgiziletin bolady», - dep naqtylady A.Jańabaev.
Baǵdarlamaǵa qatysý 36 aıdan aspaıdy jáne eńbek qatynastaryn merziminen buryn toqtatý múmkindigi bar.
Baǵdarlama 2024 jyldan 2028 jylǵa deıingi kezeńge arnalǵan.
«2024 jyly keminde 500 adam, 2025 jyly – 1000 adam, 2026 jyly – 1500 adam qamtylady», – dedi A.Jańabaev.
Jumys berýshi a.jas@almaty.gov.kz elektrondyq poshta arqyly bos jumys ornyn kórsete otyryp, ótinim beredi jáne ony «zeınetker úshin» belgisimen Enbek.kz elektrondyq eńbek bırjasynyń onlaın servısine ornalastyrady.
Zeınet jasyndaǵy adam jumysqa ornalasý týraly ótinishpen Almaty qalasynyń mansap ortalyǵyna Dostyq dańǵyly, 85, 2 qabat, 201 A kab. nemese elektrondyq poshta arqyly a.jas@almaty.gov.kz júgine alady.
Mansap ortalyǵy qalanyń 8 aýdanynda júrgiziletin ataýly áleýmettik kómek taǵaıyndaýǵa qujattardy qabyldaýdy júzege asyrady. Jan basyna shaqqandaǵy ortasha tabysy kedeılik sheginen tómen az qamtylǵan tulǵalardyń AÁK-ke quqyǵy bar (búgingi tańda eń tómengi kúnkóris deńgeıi 50 941-diń 70% - y 35 659 teńge). Jyl basynan beri 9 938 otbasy (37 922 adam) járdemaqy taǵaıyndaýǵa ótinish berdi, onyń ishinde 2 526 otbasyna (12 808 adam) taǵaıyndaldy.
ÓKQ spıkeri mansap ortalyǵynyń turaqty jumys oryndaryna jumysqa ornalasý boıynsha jumys berýshilermen ózara is-qımyl jónindegi júrgizip jatqan jumysyna toqtaldy.
Ortalyq jumys berýshilermen kandıdattardy irikteý jáne maqsatty kózqaras qaǵıdaty boıynsha ózara is-qımyl jasaıdy.
«Búgingi tańda elektrondyq eńbek bırjasynda jumys berýshiler 4 805 jumys ornyna 2 213 bos jumys orny boıynsha habarlandyrýlar ornalastyrdy. Aǵymdaǵy jyldyń basynan beri 30 994 adam jumysqa ornalastyryldy: onyń ishinde 21 470 adam turaqty jumysqa, 9 171 adam sýbsıdıalanatyn jumys oryndaryna», – dep atap ótti Ádilet Jańabaev.
Onyń aıtýynsha, azamattar men jumys berýshilerge yńǵaıly bolý úshin 2023 jyldan bastap memlekettik qyzmetterdiń 100% - y elektrondyq formatqa kóshti.
Búgingi tańda barlyq qyzmetter onlaın formatta usynylady, bul-jumys izdeýshini jumyssyz retinde tirkeý jáne jumyspen qamtýǵa járdemdesýdiń belsendi sharalaryna joldama alý, jumys berýshi úshin bul-bos jumys oryndaryn ornalastyrý, kadrlardy irikteý, belsendi sharalarǵa qatysýǵa ótinimder berý, jumyspen qamtý boıynsha túrli eseptilikti tapsyrý jáne t. b.
Probasıa qyzmetinde esepte turǵandar, múgedektigi bar adamdar, jetim balalar, áıelder, alıment boıynsha bereshegi bar azamattar jáne t. b. sıaqty azamattardyń jekelegen sanattarynyń kvotalanatyn jumys oryndaryna jumysqa ornalasýyna erekshe nazar aýdarylady.
Anyqtama:
- 2024 jylǵa múgedektigi bar adamdar úshin kvota 2908 oryndy quraıdy. 2024 jylǵy maýsymǵa 1526 adam jumysqa ornalastyryldy, EMO-ge 1749 MBA júgindi, onyń ishinde 707 adam jumysqa ornalastyryldy;
- Probasıa qyzmetinde jáne BBAO-da esepte turǵan adamdar-245 ótinish bildirdi, olardyń 56-sy jumysqa ornalastyryldy;
-Jetim balalar – bir adam júgindi, jumys izdeý jalǵasýda;
- Áıelder - 21 688 adam ótinish bildirdi, onyń 6 629-y jumysqa ornalastyryldy;
- Jastar -13 980 adam ótinish bildirdi, onyń 4 161-i jumysqa ornalastyryldy;
- Alıment boıynsha bereshegi bar adamdar - 9 adam ótinish bildirdi, onyń ishinde 7 adam esepte tur, jumys izdeý jalǵasýda, 2 adam esepten shyǵaryldy.
Jumys izdeýshilerdi stıhıalyq «eńbek bırjalaryna» tartý maqsatynda (Seıfýllın dańǵyly, Rysqulov dańǵyly men Bókeıhanov kóshesiniń qıylysy, Saın kóshesi men Rysqulov dańǵylynyń qıylysy, "Almaty-1" temirjol vokzaly), bazarlarda, adamdar kóp jınalatyn oryndarda - Karer ortalyǵynyń qyzmetkerleri jastar resýrstyq ortalyqtarymen birlesip bos oryndar jármeńkelerin, kezdesýler, jumysqa ornalasýǵa járdemdesý sharalary boıynsha túsindirý jumystaryn ótkizedi.
Atap aıtqanda, aǵymdaǵy jyly «Altyn Orda» ámbebap bazary aýdanyndaǵy «Barlyq» «baraholka»-daǵy ámbebap bazarlar, «Sary Arqa», «Almaty 1», Sholohov kóshesindegi bazar, «Túrksib» bazary qamtyldy.
Kásiptik baǵdar berý jumystary júrgizildi, qolda bar bos oryndar usynyldy. Jumyspen qamtý baǵdarlamalaryna qatysý múmkindigi týraly túsiniktemeler berildi, jumysqa ornalasýǵa járdemdesý jáne memlekettik qyzmetterdi alý máseleleri boıynsha konsýltasıalyq qyzmetter kórsetildi. Ótkizilgen túsindirý is-sharalary barysynda jumys izdep júrgen adamdardyń kópshiligi Almaty qalasynyń turǵyndary bolyp tabylmaıtyndyǵyn atap ótti.
Budan basqa, eńbek mobıldiligi ortalyǵy BAQ, áleýmettik jeliler arqyly jumys izdep júrgen jastar men jumyssyzdarǵa arnalǵan Jumyspen qamtýdyń iske asyrylyp jatqan baǵdarlamalary týraly turaqty negizde aqparattyq jumys júrgizýde.
Eńbek mobıldiligi ortalyǵy kásiporyndarda, oqý oryndarynda, aýdan ákimdikterinde, sondaı-aq onlaın rejımde ótken 22 Bos oryndar jármeńkesin ótkizýge qatysty (12 480 adam qatysty, 950 jumys berýshiden 7281 bos jumys orny usynyldy, 66 adam jumysqa ornalastyryldy, 347 adam joldama aldy).
Apta saıyn birneshe gazetterde jumys berýshilerdiń bos oryndary jarıalanady.
Barlyq suraqtar boıynsha Dostyq dańǵyly, 85 mekenjaıyndaǵy Mansap ortalyǵyna, «Áleýmettik qyzmetter úıi» nemese 310-47-82 biryńǵaı nómiri boıynsha habarlasý qajet. Tolyq aqparatty Mansap ortalyǵynyń áleýmettik jelilerinen @ctm_almaty tabýǵa bolady.