Almatyda Respýblıka kúnin merekeleý qarsańynda ıpodromda «Uly dala oıyndary» ulttyq sport túrleriniń festıvali ótti.
Jarysqa barlyǵy 500 - den astam adam qatysty, jarys myna oıyn túrleri boıynsha ótti – «Kókpar», «Aýdaryspaq», «Teńge ilý», «Jamby atý», «Asyq atý», «Toǵyzqumalaq», «Qazaq kúresi» jáne «Báıge». «Qunan báıge» at jarysy boıynsha saıystarda 12 shaqyrym, al «Alaman báıgede» 25 shaqyrym qashyqtyq qarastyrylǵan. Jarystyń jalpy júlde qory 5 mln teńgeni qurady.
«Qunan báıgeden» jarysta Jambyl oblysynyń kelgen shabandoz Jolshybek Mádı birinshi bolyp márege jetti, ekinshi jáne úshinshi máreni Almaty oblysynyń shabandozdary Bekzat Dildahan men Sembek Muqaǵalı aıaqtady. 1 oryn úshin aqshalaı júlde 1 mln teńgeni, 2 oryn úshin - 500 000 myń teńgeni jáne 3 oryn úshin - 250 000 myń teńgeni qurady.
«Alaman báıge» sanatynda 1 oryn almatylyq shabandoz Aısultan Saǵymbekke, 2 oryn Jambyl oblysynan kelgen Asyljan Tólegenge, 3 oryn Almaty oblysynyń shabandozy Insar Sarmambetke buıyrdy. 1 oryn úshin júlde qory 1 500 000 teńge, 2 oryn úshin 600 myń jáne 3 oryn úshin 400 000 teńge kóleminde boldy. Sonymen qatar, jarystyń qalǵan túrleri boıynsha qatysýshylarǵa dıplomdar men baǵaly syılyqtar tabys etildi.
İs-shara aıasynda trıbýna aldyndaǵy alańda qolóner jármeńkesi ótti, sondaı-aq qalaǵan adamdardyń barlyǵy armrestlıng, gır kóterý jáne «Toǵyzqumalaq» týrnırlerine qatysa aldy.
Báıge, at oıyndarynan basqa da sporttyq is-sharalarmen qatar qonaqtar men qatysýshylar úshin «Otyrar Sazy» ujymy, «Dombyra trıosy» ulttyq ansambli jáne ártis Asqat Tarǵyn óner kórsetti.