Bul týraly Óńirlik komýnıkasıalar qyzmeti alańynda ótken baspasóz konferensıasy barysynda Almatynyń bas sanıtarlyq dárigeri Jandarbek Bekshın almatylyqtardyń maska rejımi men basqa da sanıtarlyq normalardy elemeıtinin atap ótti dep habarlaıdyalmaty-akshamy.kz
Jandarbek Bekshınniń aıtýynsha, qalada JRVI-men syrqattanýshylyqtyń maýsymdyq ósýi jyl saıyn baıqalady. Biraq ótken aptada ǵana Almaty dárigerleri 10 316 jaǵdaıdy tirkedi.
- Ótken jylmen salystyrǵanda, qazir JRVI-men aýyratyndar úsh ese kóp. Sonymen qatar, bul kórsetkish ár apta saıyn ósip keledi. Naýqastardyń 62%-y balalar. Medısınalyq mekemelerge barlyǵy 526 naýqas jatqyzyldy, onyń ishinde 17 júkti jáne bir jasqa deıingi 165 bala, - dedi Jandarbek Bekshın.
Almaty epıdemıologtary 1 qazan men 10 qarasha aralyǵynda JRVI-diń 61 252 jaǵdaıyn tirkedi, juqtyrǵandardyń jartysynan kóbi – balalar. 176 almatylyq pnevmonıamen aýrýhanaǵa jatqyzyldy, onyń ishinde 14 jasqa deıingi 30 bala jáne 13 jasqa deıingi balalar.
Jandarbek Bekshın koronavırýstyń JRVI retinde kórinetinin ári onyń aýyr zardaptarǵa ákelýi múmkin ekenin eske saldy.
- JRVI óz kezeginde adamdardy koronavırýsqa osal etedi, sondyqtan qala turǵyndary sanıtarlyq-epıdemıologıalyq qaýipsizdik sharalaryn jaýapkershilikpen saqtaýy kerek. Tumaýǵa jáne koronavırýsqa qarsy vaksınasıa óte mańyzdy. Almatyda tumaý juqtyrǵan 5 jaǵdaı tirkeldi. A H3N2 shtammy qalalyq klınıkalyq juqpaly aýrýlar aýrýhanasynyń sholǵynshy ortalyǵynda jáne emhanalarda anyqtaldy, - dep habarlady Jandarbek Bekshın.
Almaty qalasynyń sanıtarlyq-epıdemıologıalyq departamenti basshysynyń aıtýynsha, jyl basynan beri maýsymdyq koronavırýspen qatar rınovırýs, 2 tıpti paragrıpp, bokavırýs, rınosıntısıaldyq vırýs (RS-vırýs) jáne adenovırýs – barlyǵy 28 fakti anyqtaldy.Tumaýdyń asqynýynan jáne basqa maýsymdyq aýrýlardan saqtandyrý úshin vaksınasıadan ótken durys. Ásirese, qaýip sanatyndaǵylarǵa vaksınasıa jasaý óte mańyzdy.
- Tumaýǵa qarsy vaksınasıany búdjet esebinen júrgizýge bolady. Tegin ekpelerdi medısına qyzmetkerleri, medısınalyq baqylaýǵa jatatyn balalar, jıi aýyratyn 6 aıdan asqan balalar, jetim balalar men ata-anasynyń qamqorlyǵynsyz qalǵan balalar, sábıler úıleriniń tárbıelenýshileri, medısınalyq-áleýmettik mekemelerdiń qyzmet alýshylary, júktiliktiń 2-shi nemese 3-shi trımestrindegi júkti áıelder, júrek-qantamyr júıesi men tynys alý organdarynyń sozylmaly aýrýlary bar adamdar, sondaı-aq epıdemıologıalyq kórsetkishteri bar adamdar ala alady, - dep atap ótti Jandarbek Bekshın.
Aıta keterligi, bıyl qaýip tobyndaǵy adamdardy vaksınasıalaý úshin 130 000 doza kóleminde reseılik óndiristiń «Grıppol Plús» tumaýǵa qarsy úshvalentti vaksınasy satyp alyndy.
Egýdi memlekettik emhanada da, aqyly negizde de bes jeke medısınalyq ortalyqta: IMC, «Farmakom» JSHS «Vaksınasıa klınıkasynda», «SOS-QAZAQSTAN», «Medical Assistance Group» jáne Intertıchte alýǵa bolady.
Qazirgi ýaqytta Almatyda tumaýdan 113 555 qala turǵyny egildi, onyń ishinde 14 jasqa deıingi balalar – 15 907, júkti áıelder – 5479, jumys berýshiler esebinen 1835 adam, aqyly negizde óz qarjysymen – 2782 adam egildi.
Baspasóz konferensıasy barysynda J. Bekshın Dúnıejúzilik densaýlyq saqtaý uıymynyń aldaǵy kúzgi-qysqy maýsymǵa arnalǵan boljamyn aıtty.
- Soltústik jarty sharda vırýstyń tórt shtammy ózekti bolady – A/Guangdong - Maonan/SWL1536/2019 (H1N1) pdm09, a/Hong Kong/2671/2019 (H3N2), B/Washington/02/2019 (B/Victoria lineage), B/Phuket/3073/2013 (B/Yamagata lineage), olar DDSU usynysy boıynsha tumaýǵa qarsy vaksına quramyna engizildi, - dedi J. Bekshın. - Almatyda bar vaksına aldaǵy maýsymda neǵurlym belsendi bolatyn vırýstardan qorǵaýǵa arnalǵan, ıaǵnı «Grıppol Plús» tumaýdyń tórt túrinen qorǵaýǵa qabiletti.
Sóziniń sońynda megapolıstiń bas sanıtarlyq dárigeri turǵyndarǵa profılaktıkalyq sharalardy eske saldy, maska taǵýdy, oksolın maıyn qoldanýdy, naýqastarmen baılanyspaýdy, aýyrǵan jaǵdaıda úıde bolýdy usyndy. Óz betinshe emes, tek dárigerdiń nusqaýy boıynsha emdelý qajet ekenin atap ótti.