Dárigerler COVID-19 pasıentterin, sonyń ishinde ókpeni ventılásıalyq jeldetýdi qajet etetinderdi qabyldaýǵa tolyq daıyn. Bul týraly Óńirlik komýnıkasıalar qyzmetiniń baspasóz konferensıasy barysynda Almaty qalasy Qoǵamdyq densaýlyq basqarmasynyń orynbasary Laýra Myrzaǵalı málimdedi dep habarlaıdy almaty-akshamy.kz
Laýra Myrzaǵalıdiń aıtýynsha, 18 kovıdti stasıonarda 1774 tósek-oryn ashylǵan.
Sonymen qatar, ótken táýlikte Almatyda koronavırýstyq ınfeksıany juqtyrýdyń 146 jaǵdaıy tirkeldi, onyń ishinde 136-sy sımptomdy, 10-y sımptomsyz.
- Kovıdtik stasıonarlarda 792 pasıent, onyń ishinde 20 bala bar. Barlyq ınfeksıalyq stasıonarlarda ÓJJ jáne High flow apparattary bar. Reanımasıa bólimshelerinde 81 adam emdelýde. Dárigerler men qyzmetkerler sany da jetkilikti, - dedi Laýra Myrzaǵalı.
Aıta keterligi, dárigerler úıde emdelip jatqan 1418 pasıentti baqylaýda, olarǵa kún saıyn Telemedısına ortalyǵynan qońyraý shalynady ári mobıldi brıgadalar barady.
Laýra Myrzaǵalı qalada koronavırýs ınfeksıasyn juqtyrǵandar sanynyń aıtarlyqtaı tómendegenin, alaıda jaǵdaıdy turaqtandyrý jáne jańa ınfeksıalardyń aldyn alý úshin barlyq naýqastar men vaksına saldyrǵandarǵa revaksınasıa júrgizý usynylatynyn atap ótti. Bul prosedýra tegin jáne qoljetimdi.
Búginde vaksınalaý bastalǵannan beri I komponentpen 1 006 564 adam, II komponentpen – 946 920 adam egildi. Egilgenderdiń jalpy sanynan 60 jastan asqandar 121 498 adam.
Eske salsaq, qalada medısınalyq uıymdarda, mádenıet jáne sport nysandarynda, bazarlar men SOSO-da 132 vaksınasıa pýnkti bar. Bularda 733 adamnan turatyn 205 egý brıgadasy jumys jasaıdy.