Ótken aptada JRVI juqtyrýdyń 13 804 oqıǵasy tirkelgen.
Bul týraly Óńirlik komýnıkasıalar qyzmetiniń brıfıńinde Almaty qalasy sanıtarlyq-epıdemıologıalyq baqylaý departamenti basshysynyń orynbasary Ásel Qalyqova aıtty, dep habarlaıdy Almaty-akshamy.kz
Qalada 8860 bala aýyryp jatyr, bul jalpy naýqastanǵandardyń 64,2%-yn quraıdy. Jalpy, epıdemıologıalyq maýsymda Almatyda barlyǵy 343 417 JRVI jaǵdaıy tirkeldi.
«Júrgizilgen zerthanalyq monıtorıń barysynda Almatyda maýsymdyq tumaý vırýsynyń úsh túri, onyń ishinde eki túri A (A/H3N2, A/H1N1 pdm09) jáne V tıpi aınalymda ekeni anyqtaldy. Tumaý juqtyryp, onymen aýyrǵandar 2022 jyly qazan aıynyń basynda tirkelgen. Sonymen qatar, RS vırýsy, rınovırýs, bokavırýs jáne maýsymdyq koronavırýs sıaqty tumaýǵa jatpaıtyn basqa da JRVI vırýstary aınalymda bar», – deıdi Ásel Toqanqyzy.
Tumaýdyń barlyǵy 240 jaǵdaıy tirkeldi, onyń ishinde V tıpiniń 119 túri (49,6%), A/N3N2 túri – 3 jaǵdaı (1,2%), A/H1N1-09 túri – 118 jaǵdaı (49,2%). (2021-2022 jylǵy sońǵy epıdemıologıalyq maýsymynda A/H3N2 tıpti tumaýdyń barlyǵy 51 jaǵdaıy tirkeldi).
Epıdemıologtyń aıtýynsha, tumaýdyń aldyn alýdyń eń tıimdi ádisi – der kezinde vaýsınasıadan ótý. Tumaý vırýsy jyl saıyn mýtasıaǵa ushyraýda, sondyqtan tumaýǵa qarsy vaksınany jyl saıyn epıdemıaǵa deıingi maýsymda (qazan-qarasha) tek sol jyly óndirilgen vaksınamen birge alý kerek.
Vaksınasıadan keıin ımýnıtet 14 kúnnen keıin qalyptasady jáne maýsym boıy saqtalady (1 jylǵa deıin). Qaýipsiz jáne tıimdi vaksınalar qoljetimdi jáne 60 jyldan astam ýaqyt boıy qoldanylyp keledi.
Ol ótken jyly qaýip (táýekel) tobyndaǵy adamdardy vaksınalaý úshin jergilikti búdjet esebinen 210 000 doza kóleminde reseılik óndiristiń úsh valentti tumaýǵa qarsy «Grıppol plús» vaksınasy satyp alynǵanyn eske saldy.
2022 jyldyń qyrkúıegi men qarashasy aralyǵyndaǵy epıdemıaǵa deıingi maýsymda qala boıynsha barlyǵy 224 706 adam tumaýǵa qarsy egildi, bul qala turǵyndarynyń 10,51% quraıdy, onyń ishinde «qaýipti toptaǵy» 210 000 adam egildi ( onyń ishinde medısına qyzmetkerleri – 230 68, 14 jasqa deıingi balalar – 41 337, júkti áıelder – 10 147, jabyq mekemeler kontıngenti – qarttar men balalarǵa arnalǵan balalar úıleri, 2517 qyzmet alýshy, mektep oqýshylary – 21 075, sozylmaly aýrýlary bar eresekter – 94 828). Jekemenshik medısınalyq ortalyqtarda jumys berýshiler esebinen jekemenshik medısınalyq ortalyqtarda barlyǵy 10576 adam, óz qarajaty esebinen 4130 adam egildi.
Vaksına saldyrǵandar arasynda tumaý juqtyrý jaǵdaılary tirkelmegen.
Ásel Qalyqova qazirgi ýaqytta epıdemıologtardyń daıyndyǵy týraly aıtyp berdi. Mysaly, Almatyda medısınalyq uıymdardyń medısına qyzmetkerleri men qyzmet kórsetý mamandary úshin qalalyq semınar ótti, medısınalyq uıymdarda qońyraýlardy qabyldaý úshin 140 telefon, úıde kútim jasaý úshin qosymsha 142 avtokólik, qarqyndy terapıa kórsetý úshin reanımasıa quraldaryna 261 ÓJJ bar. Jiti respıratorlyq vırýstyq ınfeksıalarmen/tumaýmen aýyratyn naýqastar úshin 431 tósek-oryn ornalastyryldy, 444 tósek-oryndy qosymsha ornalastyrý josparlanýda, tumaýǵa qarsy preparattardyń qory toltyrylýda, bir rettik maskalar (1 845 203 dana) jáne dezınfeksıalyq quraldar qory quryldy.