Keshe Prezıdent Jarlyǵymen 13 senatordyń ókileti toqtatylǵan bolatyn.
Ortalyq saılaý komısıasy (OSK) Prezıdent taǵaıyndaǵan Senattyń on depýtatyn tirkedi, dep habarlaıdy Almaty-akshamy.kz.
«Parlament Senatynyń depýtaty retindegi ókiletterińiz bastalady. Elimizdiń zań shyǵarý bıligin júzege asyratyn eń joǵary ókildi organy - Qazaqstan Respýblıkasy Parlamentiniń depýtaty boldyńyzdar», - dedi OSK tóraǵasy Nurlan Ábdirov.
Senat depýtattarynyń kýálikteri men tósbelgileri tabystaldy:
Jaqyp Asanov (Joǵarǵy sottyń burynǵy tóraǵasy);
Máýlen Áshimbaev (qaıta taǵaıyndaldy);
Nurtóre Júsip (qaıta taǵaıyndaldy);
Lázzat Qaltaeva (qaıta taǵaıyndaldy);
Asqar Shákirov (qaıta taǵaıyndaldy);
Evgenıı Bolgert (QHA-dan);
Zákirjan Kýzıev (QHA-dan);
Nýrıa Nıazova (QHA-dan);
Álisher Satvaldıev (QHA-dan);
Gennadıı Shıpovskıh (QHA-dan).
2022 jylǵy respýblıkalyq referendýmda Qazaqstan Konstıtýsıasyna ózgerister men tolyqtyrýlar qabyldandy. Endi Prezıdent 15 emes, on depýtatty taǵaıyndaıdy, onyń beseýi – Qazaqstan halqy Assambleıasynyń usynysy boıynsha.