13-14 qyrkúıekte Almaty qalasynda polısıa qyzmetkerleri respýblıkalyq “Jolda qabyldaý” aksıasynyń kezekti kezeńin offlaın rejımde ótkizip jatyr, dep habarlaıdy aqshamnews.kz Polisia.kz-ke silteme jasap.
Aksıa azamattarǵa jol qozǵalysy qaýipsizdigin qamtamasyz etý jáne onyń ishinde balalardyń jol-kólik jaraqatynyń aldyn alý salasynda konsýltatıvtik-quqyqtyq kómek kórsetýge baǵyttalǵan. Naýqandy uıymdastyrýshylar túsindirgendeı, halyqpen ózara is-qımyl jergilikti polısıa qyzmeti men kóshi-qon qyzmeti, sondaı-aq ákimshilik polısıa boıynsha azamattardy tolǵandyratyn problemalyq máselelerdi talqylaý túrinde júzege asyrylady.
– Aksıa Almatyda ortasha eseppen 50 myńnan astam adamdy quraıtyn mopedter men samokattardy paıdalanýshylar arasynda quqyqtyq túsindirý jumystaryn júrgizýge baǵyttalǵan. Olardyń tártibi men mádenıeti jalpy apattyq jaǵdaıǵa aıtarlyqtaı áser etedi. Bıylǵy jyldyń basynan beri Almatyda mopedterdiń qatysýymen 523 jol-kólik oqıǵasy tirkelip, nátıjesinde 535 adam jaraqat alyp, 11 adam qaza tapty. Al shaharda samokattardyń qatysýymen 69 apat oryn alǵan. Onyń ishinde 75 adam zardap shekti, – dedi Almaty qalalyq ákimshilik polısıa basqarmasynyń bastyǵy Asqat Qulbaev.
Esterińizge sala keteıik, Almatyda “Jolda qabyldaý” mobıldi polısıa beketteri kelesi mekenjaılar boıynsha ornalasqan: – Atakent İYO (Almaty q., Bostandyq aýdany, Tımırázev k-si, 42). – Ortalyq demalys saıabaǵy (Almaty qalasy, Medeý aýdany, Gogol k-si, 1).