Almatydaǵy jańa jolaıryq Jansúgirov kóshesi men Seıfýllın dańǵylynyń ótkizý qabiletin 15-20%-ǵa arttyrady.
Almaty ákimi Erbolat Dosaev Jetisý aýdanyna jasaǵan jumys sapary barysynda Jansúgirov kóshesi men Seıfýllın dańǵyly qıylysyndaǵy jolaıryqtyń qurylys barysymen tanysty, dep habarlaıdy aqshamnews.kz
Jobany júzege asyrý 2017 jyly bastalǵanymen, 259 jer telimin satyp alý qajettiligine baılanysty qurylys uzaqqa sozyldy. Sońǵy jer telimi bıyl mamyr aıynda bosatyldy.
Joba aıasynda Seıfýllın dańǵylynda kólikterdiń úzdiksiz qozǵalysyn qamtamasyz etý úshin jalpy uzyndyǵy 690 metr bolatyn eki tonnel salý josparlanǵan. Al Jansúgirov kóshesi boıynsha kólik qozǵalysy jer deńgeıinde júzege asady. Sonymen qatar, 4 jerústi jaıaý júrginshiler ótkeli, trotýarlar jáne irgeles aýmaqty kógaldandyrý qarastyrylǵan.
Qazirgi ýaqytta barlyq burylys joldarda asfáltbeton jabyny tóselip, bir jerústi jaıaý júrginshiler ótkeli salyndy, sondaı-aq káriz jáne baılanys jelilerin qaıta qurý jumystary júrgizilýde.
Sonymen qatar, Seıfýllın dańǵylyndaǵy «Batys» jáne «Shyǵys» tonnelderine asfáltbeton jabyn tóseý aıaqtaldy. Demalys kúnderi osy tonnelder arqyly qozǵalys ashylyp, aýa raıy qolaıly bolsa, ýaqytsha jol tańbalaryn syzý josparlanǵan.
Qala ákimi qurylys jumystaryn jedeldetip, abattandyrý jumystarymen birge nysandy kelesi jyldyń maýsym aıynyń sońyna deıin aıaqtaýdy tapsyrdy.
Aıta keteıik, jolaıryq iske qosylǵannan keıin Jansúgirov kóshesiniń ótkizý qabileti 15%-ǵa, al Seıfýllın dańǵylynyń ótkizý qabileti 20%-ǵa artatyny kútilýde.
