Almaty qalasynyń ákimi Erbolat Dosaev Túrkisib aýdanynyń turǵyndarymen kezdesý barysynda jol jáne kólik ınfraqurylymyn damytý baǵytynda atqarylyp jatqan jumystarǵa toqtaldy, dep habarlaıdy Aqshamnews.kz
Bıylǵy jyly Almatyda 39,6 shaqyrym jol jóndeldi, al 2025 jyly taǵy 51 shaqyrym joldy jóndeý josparlanyp otyr. Qala ákiminiń aıtýynsha, bul jumystar ásirese shaǵyn aýdandar men turǵyn alaptardyń jol jaǵdaıyn jaqsartýǵa baǵyttalǵan.
- Álmerek jáne Qaırat shaǵyn aýdandarynda uzyndyǵy 13 km jańa jol salyndy.
- Jas Qanat shaǵyn aýdanynda 3,5 km jol qurylysyn bastaý kózdelgen.
- Erjanov kóshesiniń boıynda kópir salý jáne Hmelnıskıı kóshesin uzartyp qosý jobasy da josparda bar.
Bul jobalar qala ishindegi kólik qozǵalysyn jeńildetip, turǵyndardyń kúndelikti ómir sapasyn arttyrýǵa baǵyttalǵan.
Almaty qalasynyń ákimdigi jol ınfraqurylymyn jańǵyrtý jáne jańa kólik baǵyttaryn damytý arqyly qalanyń barlyq aýdandaryn tıimdi baılanystyrýǵa kúsh salyp otyr. Qala ákimi Erbolat Dosaev atap ótkendeı, mundaı iri jobalar tek ortalyqta ǵana emes, shetki shaǵyn aýdandarda da júıeli túrde júzege asýda.