Almaty qalasynyń ákimi Erbolat Dosaev Túrkisib aýdanynyń turǵyndarymen kezdesýde megapolıstegi ınjenerlik ınfraqurylymdy jańartý boıynsha atqarylyp jatqan jumystarmen bólisti. Ákimniń aıtýynsha, qala turǵyndaryn úzdiksiz jylý jáne jaryqpen qamtý – basym baǵyttardyń biri, dep habarlaıdy Aqshamnews.kz
Qazirgi tańda 2,1 shaqyrym jylý jelisi jańartylyp, «Vokzal» qazandyǵyna jańa komýnıkasıalar tartylǵan. 2025 jyly taǵy 8,1 shaqyrym jylý jelisi men 9 qazandyqty qaıta jańartý kózdelip otyr.
Bul sharalar qalanyń jylý júıesin zamanaýı talaptarǵa saı etýge jáne turǵyn úılerdi turaqty jylýmen qamtamasyz etýge baǵyttalǵan.
Sonymen qatar, 55,5 shaqyrym elektr jelisi jańartylyp, 22 qosalqy stansıa iske qosylǵan. Bul kórsetkish qalanyń elektrmen qamtý sapasyn arttyryp, jańa turǵyn úı keshenderi men shaǵyn aýdandardy tolyq qamtýǵa múmkindik beredi.
Álmerek jáne Nurshashqan shaǵyn aýdandarynda taǵy 54,5 km elektr jelisin jańartý jumystary júrgizilýde. Jospar boıynsha, mamyr aıynda «Tuzdybastaý» qosalqy stansıasy paıdalanýǵa berilmek.