Túrksib aýdanyndaǵy bıznes-sýbektiler sany ótken jylmen salystyrǵanda 2024 jyly 10,4% - ǵa ósti
Búgingi tańda Túrksib aýdany Almatynyń mańyzdy kólik toraby bolyp tabylady jáne qalanyń qarqyndy damyp kele jatqan aýdandarynyń biri, ekonomıkanyń turaqty ósýin kórsetedi. Bul týraly Almaty ákimi Erbolat Dosaev aýdan turǵyndarymen kezdesýde habarlady.
Qala basshysy aýdannyń 2024 jylǵy áleýmettik-ekonomıkalyq damýy jóninde málimet berdi. Erbolat Dosaev ótken jyldyń qorytyndysy boıynsha negizgi kapıtalǵa salynǵan ınvestısıa kólemi 7%-ǵa artyp, 218 mlrd teńge bolǵanyn, onyń ishinde jeke ınvestısıa 12,3%-ǵa ósip, 200 mlrd teńgege jetkenin aıtty.
Kóterme saýda 2024 jyly 27% - ǵa ósip, 1,4 trln teńgeni qurady, bólshek saýda kólemi de 621,7 mlrd teńgege jetti. Túrksib aýdanynda barlyǵy jumys istep turǵan bıznes-sýbektilerdiń sany 10,4% - ǵa ósip, 30 myńǵa jetti. 5,5 myń jańa turaqty jumys ornyn qurýǵa yqpal etti.
«Túrksib aýdanynyń búdjeti 40% - ǵa ulǵaıyp, 22,5 mlrd teńgege jetti, 2025 jyly búdjet 31,6 mlrd teńgeni qurady», - dep atap ótti Almaty ákimi, aýdan jáne qala ákimdikteri ınjenerlik jáne komýnaldyq ınfraqurylymdy damytýǵa erekshe nazar aýdarady. Túrksib aýdany turǵyndarynyń ómir súrý sapasyn arttyrýǵa jáne aýdandy abattandyrýǵa aıryqsha kóńil bóletinin aıtty. 2025 jyly da bul baǵyttaǵy jumys jalǵasatyn bolady», - dep qorytyndylady sózin Erbolat Dosaev.