Er adamnan iri kólemde esirtki jáne psıhotroptyq zattar tárkilendi.
Jedel-izdestirý is-sharalary barysynda Almaty qalalyq PD esirtki qylmysyna qarsy kúres basqarmasynyń qyzmetkerleri patrúldik polısıa qyzmetkerlerimen birlesip, kúdikti azamatty ustady, dep habarlaıdy aqshamnews.kz.
Polisia.kz-tiń málimetinshe, er adamdy jeke tintý barysynda ishinde untaq zaty bar baılamdar tabyldy, al onyń turǵylyqty jerin tintý kezinde odan da kóp mólsherdegi esirtki, oraýysh materıaldar, elektrondy tarazylar, shyny kolbalar jáne basqa da qurylǵylar tabyldy. Sot saraptamanyń qorytyndysyna sáıkes tárkilengen zat salmaǵy 50,2 kelini quraıtyn gashısh esirtki zaty, sondaı-aq jalpy salmaǵy 700 gram bolatyn mefedronnyń analogy.
– Bul bıylǵy jyly tárkilengen eń iri partıanyń biri. Almaty polısıasy esirtki taratý arnalarynyń jolyn kesý boıynsha júıeli jumysyn jalǵastyrýda. Biz taratý jelisin qurý áreketin qadaǵalap otyramyz. Árbir derek boıynsha kidirissiz sharalar qabyldanyp jatyr, - dedi Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaev.
Qylmystyq is QR QK-niń 297-babynyń 3-bóligimen tirkeldi. Kúdikti ustalyp, ýaqytsha ustaý ızolátoryna qamaldy. Sotqa deıingi tergeý jalǵasýda.