Polıseıler ony bir aı boıy izdegen.
Onyń joǵalǵany týraly habar 12 mamyrda túsken, dep habarlaıdy Almaty-akshamy.kz.
Resmı málimetke sáıkes, 12 mamyrda Túrksib aýdandyq polısıa basqarmasyna 17 jastaǵy qyzdyń joǵalǵany týraly habar túsken. Tártip saqshylary ony qala aýmaǵynan izdegen. Sondaı-aq, respýblıka boıynsha barlyq polıseıge sýreti men derekteri taratyldy.
«8 maýsymda Kókshetaý qalasynyń polıseıleri joǵalǵan adamǵa uqsas qyzdy kórip, jeke qujatyn teksergen. Ol Aqmola oblysynyń ortalyǵynda jigitimen birge júrgen», - deıdi tártip saqshylary.
Qalalyq polısıa basqarmasy birden Almatyǵa habarlasyp, ata-anasyna aıtqan. Jaýap alý kezinde qyz ben jigit Kókshetaýǵa ádeıi qashyp ketkenin aıtty.
Ekeýi úıden alys jerge ketýge tyrysqan. Kámelet jasqa tolmaǵan qyz týystaryna tapsyryldy.