Tólenbegen salyqtar kameralyq baqylaý jáne salyqtyq tekserý aıasynda barlyq kontragentten óndiriledi.
QMA 2020-2021 jyldar aralyǵynda kóleńkeli ekonomıka salasynda aýyr qylmystar jasaǵan bir top tulǵany anyqtady, dep habarlaıdy Almaty-akshamy.kz
Azamat Han V.V. basqarǵan qylmystyq top klıentterin búdjetke salyq tóleýden bosatý maqsatynda baqylaýdaǵy 7 zańdy tulǵanyń kontragentterine jalǵan shot-faktýralar jazyp bergen. Olar osy áreketterimen memleketke 490 mıllıon teńgeden astam somaǵa asa iri kólemde zıan keltirdi.
Vedomstvonyń málimdeýinshe, sot basty aıyptalýshy Han Vıtalıı Vasılevıchti 4 jylǵa bas bostandyǵynan aıyrýǵa, al zańsyz aqsha jınaýmen aınalysqan eki adamdy shartty túrde bas bostandyǵynan aıyrýǵa úkim shyǵardy.
Úsh aıyptalýshyǵa da uzaq merzimge komersıalyq uıymdarda basshylyq qyzmetterdi, onyń ishinde shot-faktýralardy berýge baılanysty laýazymdardy atqarýǵa tyıym salyndy.