14 jasar balany kóshede kezekshilik atqaryp júrgen tártip saqshylary ózenge batyp bara jatqan jerinen qutqaryp qaldy.
Polıseılerdiń sózinshe, jasóspirim Esentaı ózeniniń jaǵasynda dostarymen qydyryp júrgen. Ol arnaıy qorshaý arqyly arǵy jaǵaǵa ótpekshi bolǵanda súrinip, sýǵa qulap ketken. Batyp bara jatqan balany kórip, quqyq qorǵaý qymetkerleri jedel áreket etip, der kezinde qutqaryp qalǵan, dep habarlaıdy Almaty-akshamy.kz Qazaqstan.tv saıtyna silteme jasap.
Qazir zardap shegýshiniń jaǵdaıy jaqsy.
"Aıaǵym taıyp, qulap kettim. Qatty qoryqtym. Baǵyma oraı, tártip saqshylary qutqaryp qaldy", - deıdi jasóspirim.
"Der kezinde kerek jerden tabyla bilgen tártip saqshylaryna alǵys aıtamyn. Polıseılerdiń arqasynda balam aman qaldy", - dedi jasóspirimniń anasy.