Osy maqsatta Balqash kóliniń aýmaǵynda 415 myń gektardy quraıtyn erekshe qorǵalatyn tabıǵı aýmaq qurylǵan.
Qazaqstan Amýr jolbarysyn jersindirý úshin daıyndalyp jatyr. Bul týraly Vladıvostokta Shyǵys ekonomıkalyq forýmy aıasynda ótip jatqan jolbarystardy qorǵaý jónindegi II halyqaralyq forýmda Qazaqstan Respýblıkasynyń Ekologıa, geologıa jáne tabıǵı resýrstar vıse-mınıstri Álıa Shalabekova málim etti, dep habarlaıdy Almaty-akshamy.kz Inbusiness.kz silteme jasap.
«Biz bıoalýantúrlilikti saqtaý jónindegi konvensıaǵa qatysýshy memleket retinde ekojúıeni saqtaý men qalpyna keltirýge qamqorlyq jasaımyz. Ótken ǵasyrdyń ortasynda Turan jolbarysy Qazaqstan aýmaǵynda mekendegenin eskere otyryp, jolbarysty jersindirý týraly sheshim qabyldandy. 2025 jylǵa qaraı Qazaqstan úkimeti reıntrodýksıaǵa alǵashqy qadam jasaıdy dep úmittenemiz», – dedi vıse-mınıstr.
Onyń aıtýynsha, genetıkalyq zertteýler Turan jolbarysynyń DNQ boıynsha Amýr jolbarysyna eń jaqyn ekenin kórsetti. 2010 jyldan beri respýblıkada jolbarysty qaıta jersindirý baǵdarlamasy ázirlenýde. Qazirgi ýaqytta Qazaqstan Respýblıkasynyń Úkimeti Balqash kóliniń aýmaǵynda 415 myń gektardy quraıtyn erekshe qorǵalatyn tabıǵı aýmaq qurdy. Munda 64 qyzmetker jumys isteıdi.