Almatyda júkti áıel qarý-jaraq dúkenin tonaýǵa qatysqan
Áýezov aýdandyq PB janyndaǵy polısıa bóliminiń málimetinshe, jetinshi balasyn kútip júrgen áıel kúıeýine myltyq, tapansha, patrondar jáne basqa da oq-dárilerdi urlaýǵa kómektesken, dep habarlaıdy Almaty-akshamy.kz Polisia.kz-ke silteme jasap.
«Úıdiń ishin tintý kezinde tárkilengenderdiń arasynda toǵyz saıga stvoly, eki myltyq, vıntovka, tapansha, patrondar, rezeńke soıyldar, aǵash toqpaqtar, saper kúregi men radıostansıalar boldy. 25 jastaǵy T.esimdi jigit urlanǵan qarý-jaraq salynǵan býmalardy jeke úıiniń aldyndaǵy aýmaqqa kómgen. Sondaı-aq, kúdiktiniń mingen kóligi de anyqtaldy. Bul kezde onyń qasynda áıeli bolǵan, ol kúıeýiniń oılanbaı jasaǵan áreketin, qylmys jasaýyn toqtatýdyń ornyna urlanǵan zattar salynǵan jáshikterdi kólikke tıeýge belsene kómektesken», – dedi Almaty qalalyq polısıa departamenti basshysynyń orynbasary Berik Ábilbekov.
Zattaı aıǵaqtar tárkilendi. Atalǵan derek QR QK-niń 291-baby 3-bóligimen (Qarýdy, oq-dárilerdi, jarylǵysh zattar men jarylys qurylǵylaryn jymqyrý ne qorqytyp alý) kvalıfıkasıalanǵan. Áıeldiń áreketine quqyqtyq baǵa beriledi.