Seısenbi kúni Qazaqstannyń batysynda, soltústik-batysynda jańbyr men qar túrinde jaýyn-shashyn bolady.
Soltústikte qar jaýyp, jaıaý burqasyn, kóktaıǵaq kútiledi. Elimizdiń qalǵan aýmaǵynda antısıklon jotasynyń áserinen jaýyn-shashynsyz aýa raıy boljanady. Respýblıka boıynsha keı jerlerde tuman túsip, jel kúsheıedi, dep habarlaıdy Almaty-akshamy.kz «Qazgıdrometke» silteme jasap.
Aqmola oblysynyń soltústik-batysynda jel 15-20 m/s kúsheıedi, jaıaý burqasyn soǵyp, kúndiz kóktaıǵaq kútiledi. Túnde jáne tańerteń Almaty oblysynyń soltústiginde tuman bolady. Jalańashkól aýdanynda jel 18-23 m/s kúsheıedi.
Jambyl oblysynyń soltústik-shyǵysynda jeldiń ekpini 23 m/s artady. Túnde jáne tańerteń oblystyń soltústiginde jáne taýly aýdandarynda tuman kútiledi.
Qostanaı oblysynyń batysynda jel 15-20 m/s kúsheıedi, jaıaý burqasyn, tuman, kóktaıǵaq bolady.
Soltústik Qazaqstan oblysynyń soltústiginde, ońtústiginde, shyǵysynda jel 15-20 m/s artady. Sondaı-aq jaıaý burqasyn, tuman, kúndiz kóktaıǵaq kútiledi.
Kúndiz Pavlodar oblysynyń soltústik-batysynda jel 15-20 m/s kúsheıip, jaıaý burqasyn boljanady. Shyǵys Qazaqstan oblysynyń Jarma aýdanynda jel 15-20 m/s artady.
Batys Qazaqstan, Atyraý oblystarynda tuman, túnde atalǵan óńirlerdiń shyǵysynda, ortalyǵynda kóktaıǵaq bolady.
Mańǵystaý oblysynyń soltústiginde tuman kútiledi.
Aqtóbe oblysynyń ońtústiginde kóktaıǵaq baıqalady.