Almatyda 61 jastaǵy esirtki satýshysy ustaldy
Esirtki satýshy esirtkini kóterme jáne bólshek saýdada satýmen aınalysqan 61 jastaǵy G.esimdi azamat bolyp shyqty, dep habarlaıdy Almaty-akshamy.kz Polisia.kz-ke silteme jasap.
«Kúdiktini ustaý boıynsha arnaıy is-sharany júrgizbes buryn, bizdiń bólimsheniń qyzmetkerleri jedel jáne arnaıy sharalar keshenin júzege asyrdy. Dálelder men aıǵaqtar jetkilikti kólemde jınaqtaldy. Kúdikti kúndizgi ýaqytta garaj kooperatıvteriniń biriniń aýmaǵynda ustaldy. Bizdiń málimet boıynsha, kúdikti satýǵa daıyndalǵan qylmystyq zatty sol jerde saqtaǵan. Tintý kezinde gashısh salynǵan 13 býma, marıhýana salynǵan 13 býma, PM-9mm tapanshasynyń bir patrony, 740 myń teńge kóleminde qolma-qol aqsha, 1 150 dollar, 50 eýro tabylyp, tárkilendi. Tárkilengen zat sot-hımıalyq saraptamaǵa jiberildi», — dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Polısıa shaharǵa shópti jetkizý arnasyn, sondaı-aq esirtki satýshynyń turaqty tutynýshylarynyń sheńberin anyqtaıdy. Al G.esimdi azamat ÝUI-ǵa qamaldy.