Negizgi is-sharalar 28 gvardıashy-panfılovshylar saıabaǵynda ótedi.
Almaty ákimdigi 9 mamyr – Jeńis kúni merekesine oraı megapolıste ótetin is-sharalar tizimin jarıalady, dep habarlaıdy Almaty-akshamy.kz.
Ákimdiktiń málimetinshe, Almatyda Jeńis kúniniń 78 jyldyǵyn merekeleý 9 mamyr, saǵat 09:30-da 28 gvardıashy-panfılovshylar atyndaǵy saıabaqta Ekinshi dúnıejúzilik soǵys ardagerleriniń qatysýymen Dańq memorıalynyń janynda Máńgilik alaýǵa gúl shoqtaryn qoıý rásimimen bastalady.
Jeńis kúnine arnalǵan merekelik konsert saǵat 11:00-de 28gvardıashy-panfılovshylar saıabaǵynyń alańynda ótedi.
Jeńis kúnin merekeleý Sh. Ýálıhanov atyndaǵy skver men Jibek joly-Panfılov kóshelerinde saǵat 11.00-de bastalady. Konsertter «Almaty áýenderi» ártisteriniń, Abaı atyndaǵy ulttyq opera jáne balet teatry solıseriniń, mýzykalyq toptardyń qatysýymen ótedi.
Qala ákimdigi 50 myń «Jeńis lentasyn» taratady. Olardy 28 panfılovshylar- gvardıashylar, Ortalyq mádenıet jáne demalys saıabaqtarynda, merekelik is-sharalar ótetin basqa jerlerde alýǵa bolady.
Mektepter men kolejderde áskerı qyzmetshilerdi, ardagerlerdi, azamattardy shaqyra otyryp, taqyryptyq «Erlik sabaqtary», sondaı-aq balalardy túrli qorǵanys salasy boıynsha qarýlardyń túrlerimen tanystyrý sabaqtary ótedi.
Almaty qalasy ákiminiń, onyń orynbasarlary men aýdan ákimderiniń qatysýymen «Ardagerlerge taǵzym» qaıyrymdylyq aksıasy aıasynda úılerine baryp qyzmet kórsetiletin jáne medısınalyq-áleýmettik mekemelerdegi Ekinshi dúnıejúzilik soǵys qatysýshylaryn, múgedekterin jáne tyl eńbekkerlerin quttyqtaý josparlanǵan.
Sondaı-aq, Jeńis kúnine arnalǵan saltanatty sharalar qalanyń barlyq aýdanynda ótedi.
Alataý aýdany:
Ardagerler men jastardyń qatysýymen «Er esimi – el esinde» eskertkishine gúl shoqtaryn qoıý 7 mamyr kúni tańǵy saǵat 10:00-de Janqoja batyr kóshesi, 26 mekenjaıdaǵy aýdan ákimdigi ǵımaratynyń aldynda ótedi. Jeńis kúni men Otan qorǵaýshylar kúnine arnalǵan merekelik is-shara 7 mamyrda saǵat 11:00-de Atletter aýylynda ótedi.
Almaly aýdany:
Konserttik baǵdarlama 9 mamyrda saǵat 11:00-de Á. Moldaǵulova men M. Mámetova atyndaǵy skverde ótedi.
Áýezov aýdany:
Jeńis kúnine arnalǵan merekelik konsert 9 mamyrda saǵat 11:00-de Family Park demalys saıabaǵynda ótedi.
Jetisý aýdany:
Merekelik konsert 9 mamyrda saǵat 11:00-de «Gúlder» saıabaǵynda ótedi.
Naýryzbaı aýdany:
8 mamyr kúni saǵat 09:00-de «Máńgilik alaý» eskertkishiniń janynda, Taý samaly shaǵynaýdandaǵy Jandosov kóshesi, 2-de aýdan ákiminiń, Ekinshi dúnıejúzilik soǵys jáne Aýǵan soǵysy ardagerleriniń, tyl eńbekkerleriniń, Jeltoqsan oqıǵasy kúreskerleriniń qatysýymen gúl shoqtary qoıylady. Saǵat 11:00-den 14: 00-ge deıin tórt ardager óz úılerinde aýdannyń atynan quttyqtalady, sondaı-aq olar úshin úrmeli aspaptar orkestrimen birge áskerı sherý uıymdastyrylady.
Jeńis kúnine arnalǵan «Erlik izi óshpeıdi» merekelik konserti 9 mamyr kúni saǵat 11:00 - de aýdan ákimdigi ǵımaratynyń aldynda ótedi (Shuǵyla shaǵyn aýdany, 347).
Túrksib aýdany:
Jeńis kúnine arnalǵan merekelik is-shara 9 mamyrda saǵat 11:00-de S. Seıfýllın atyndaǵy saıabaqta ótedi.