Almatyda polısıa kúshteriniń sap túzeýi ótti
Almatyda polısıa kúshteriniń sap túzeýi ótti, dep habarlaıdy Almaty-akshamy.kz Polisia.kz saıtyna silteme jasap.
Sharaǵa patrúldik polısıa polkiniń, mamandandyrylǵan batalónnyń narádtary, jyldam qımyldaıtyn arnaıy jasaqtyń qyzmetkerleri qatysty,
Saptyq baıqaýlar árbir polısıa qyzmetkeriniń kelbeti jınaqy jáne uqypty bolýy úshin, qyzmetkerlerdiń kıim kıý erejelerin saqtaýy úshin ótkiziledi.
Qalalyq polısıa departamentiniń bastyǵy Arystanǵanı Zapparov japsyrmalar men emblemalardyń durystyǵyna, qyzmettik kýálikke, shash úlgisi men tıisti aıaq kıimniń bolýyna, sondaı-aq avtokólik pen tehnıkalyq quraldardyń jaı-kúıine erekshe nazar aýdardy.
«Qaladaǵy tártip pen azamattardyń qaýipsizdigi polısıanyń qalaı jumys isteıtinine baılanysty. Tártip saqshylarynyń qoǵammen tyǵyz baılanysta bolýy óte mańyzdy. Al materıaldyq-tehnıkalyq baza men memlekettik áleýmettik qoldaý sizderge qylmysqa qarsy turýǵa múmkindik beredi», - dep atap ótti Arystanǵanı Zapparov.
Sonymen qatar saptúzeýde qyzmetkerler túrli quqyq buzýshylyqtar boıynsha baǵdarlardy jáne komandırlerdiń nusqaýlaryn tyńdady.
Vedimistik talaptarǵa sáıkes, polısıada saptyq baıqaýlar jazǵy jáne qysqy kıim nysanyna kóshý kezinde, ıaǵnı jylyna eki ret ótkiziledi. Bul jeke quramnyń quqyqtyq tártipti qamtamasyz etý, qylmysqa qarsy kúres jáne azamattardyń quqyqtaryn qorǵaý jónindegi mindetterin oryndaýǵa daıyndyǵyn tekserý úshin qajet. Óńirlerde mundaı saptyq baıqaýlar aýa raıyna baılanysty ártúrli ýaqytta ótedi.
Árbir polısıa qyzmetkeriniń kelbeti jınaqy jáne uqypty bolýy kerek. Qyzmetkerler kıim kıý erejelerin saqtaýy tıis. Sebebi tártip osydan bastalady.