9 mamyr kúni saǵat 09:30-da Uly Otan soǵysyndaǵy Jeńistiń 79 jyldyǵyn merekeleý aıasynda 28-shi panfılovshy-gvardıashylar atyndaǵy saıabaqta Uly Otan soǵysynyń ardagerleriniń qatysýymen Dańq memorıalynyń janynda Máńgilik alaýǵa gúl shoqtaryn qoıý rásimi resmı túrde ashylady.
Jeńis kúnine arnalǵan merekelik konsert saǵat 10:00-de 28-shi panfılovshy-gvardıashylar saıabaǵynyń alańynda ótedi. Qazaqstandyq ártister soǵystan keıingi jyldardaǵy maıdan ánderin oryndaıdy, dep habarlaıdy almaty-akshamy.kz.
Qalada B. Momyshuly eskertkishine, T. Bıgeldınov, R. Qoshqarbaev memorıaldyq taqtasyna, A. Moldaǵulova men M. Mámetova, S. Nurmaǵambetov eskertkishterine, S. Lýganskııdiń bústine, «Otan uldaryna máńgilik estelik» jáne «Otan úshin qaza tapqan batyrlarǵa máńgilik dańq» memorıaldaryna gúl shoqtaryn qoıý rásimi uıymdastyrylady.
İs-sharanyń qurmetti qonaqtary Uly Otan soǵysynyń ardagerleri, tyl eńbekkerleri, qoǵam qaıratkerleri, áskerı qyzmetshiler jáne t. b. bolady.
Mektepter men kolejderde áskerı qyzmetshilerdiń, ardagerlerdiń, qatardaǵy azamattardyń qatysýymen taqyryptyq «Erlik sabaqtary», sondaı-aq balalardy ártúrli áskerı otbasylarmen tanystyrý boıynsha sabaqtar jáne t.b. onlaın-formatta arnaıy platformada «Er esimi – el esinde» («Batyrlarǵa taǵzym») aksıa-marshy ótedi.
Sondaı-aq, Almaty qalasynyń ákimi, onyń orynbasarlary men aýdan ákimderi «Ardagerlerge taǵzym» qaıyrymdylyq aksıasy aıasynda úıde qyzmet kórsetetin jáne medısınalyq-áleýmettik mekemelerdegi Uly Otan soǵysynyń qatysýshylaryn, múgedekterin jáne tyl eńbekkerlerin quttyqtaıdy.
Jeńis kúnine arnalǵan saltanatty is-sharalar qalanyń barlyq aýdandarynda ótedi:
Alataý aýdany: 7 mamyr kúni saǵat 11:00 – de Alataý aýdany ákimdiginiń aldynda «Er esimi - el esinde» eskertkishine gúl shoqtary qoıylady. Saǵat 12: 00-de estrada juldyzdary men shyǵarmashylyq ujymdardyń qatysýymen Atletıkalyq aýyl aýmaǵynda konserttik baǵdarlama. Sondaı-aq sýretter men qolóner kórmesi ótedi. 8 mamyrda bilim berý mekemelerinde merekelik is-sharalar jáne ardagerlerdi úıde merekelik sebettermen quttyqtaý ótedi.
Almaly aýdany: 9 mamyrda saǵat 12:00-de Arbatta konserttik baǵdarlama ótedi. 6-8 mamyr aralyǵynda UOS qatysýshylaryn úıdegi orkestrmen quttyqtaý josparlanǵan.
Medeý aýdany: 8 mamyrda saǵat 09:00-den bastap QR UQK Shekara akademıasynyń qatysýymen Medeý aýdanynda turatyn UOS ardagerlerine mobıldi mýzykalyq orkestrdiń shyǵýy josparlanýda. 9 mamyr kúni saǵat 12:30-da 28 gvardıashy-panfılovshylar atyndaǵy saıabaqta aýdannyń shyǵarmashylyq ujymdarynyń qatysýymen merekelik konserttik baǵdarlama josparlanǵan.
Áýezov aýdany 9 mamyrda saǵat 11:00-de Family Park demalys saıabaǵynda merekelik konsert ótedi.
Jetisý aýdany: 9 mamyrda saǵat 11:00-de Gúlder saıabaǵynda tyl ardagerlerine, zeınetkerlerge, aýdan turǵyndaryna arnalǵan konserttik baǵdarlama uıymdastyrylady, sol jerde dala asqanasy bolady.
Naýryzbaı aýdany: 8 mamyr kúni saǵat 09:30-da Jandosov, 2 mekenjaıy boıynsha Uly Otan soǵysy ardagerleriniń eskertkishine gúl shoqtaryn qoıý rásimi uıymdastyrylady. Saǵat 11:00-de Uly Otan soǵysynyń batyry, 98 jastaǵy Podkolzın Leonıd Nıkıtıchtiń úıiniń aldynda aýdan ákiminiń, Shekara qyzmeti basqarmasynyń ofıserleriniń jáne radıoelektronıka jáne baılanys áskerı-ınjenerlik ınstıtýtynyń áskerı orkestriniń qatysýymen quttyqtaý sharasy uıymdastyrylady. 9 mamyrda saǵat 11:00-de Shuǵyla, 347 yqsh./da ornalasqan amfıteatrda konserttik baǵdarlama ótedi, dalalyq as úı uıymdastyrylady. Sondaı-aq áskerı qoıan-qoltyq kúres, qarý-jaraq, kitaptar men sýretter kórmesi ótedi.
Túrksib aýdany: 6 mamyrda aýdannyń stellalary men memorıaldaryna gúl shoqtaryn qoıý rásimi ótedi - Dańq memorıaly, UOS-daǵy keńes halqynyń jeńisi, Soltústik zırattaǵy Jeńis memorıaly, Aýǵan ardagerleriniń alańyndaǵy Stella, soǵys maıdandarynda qaza tapqan túlekterge arnalǵan eskertkish, qaıtys bolǵan ushqyshtardy eske alý dańqy memorıaly. UOS ardagerlerine úıine baryp sebetter tabystalady. 9 mamyrda saǵat 10:00-de S.Seıfýllın atyndaǵy saıabaqta kórkemóner ujymdary, Qurlyq áskerleri Áskerı ınstıtýtynyń kýrsanttary, desanttyq-shabýyldaý áskerleriniń áskerı qyzmetshileri, № 6, № 7 mektep, áýejaı MÚ ujymdary, «Uly dala áýenderi» ardagerler horynyń jáne qonaqtardyń qatysýymen teatrlandyrylǵan qoıylymy ótedi.
Bostandyq aýdany: 9 mamyr kúni saǵat 11:00-de QR Tuńǵysh Prezıdenti saıabaǵynda qalanyń shyǵarmashylyq ujymdarynyń qatysýymen merekelik konsert ótedi.