Qarjy mınıstrligi QR Memlekettik shekarasy arqyly naqty taýarlardyń ótkizilýin baqylaýdy júzege asyrý oryndarynyń tizbesi keńeıtiletin Úkimet qaýlysynyń jobasyn daıyndady, dep habarlaıdy almaty-akshamy.kz.
Atap aıtqanda, tizbege kelesi temirjol stansıalary qosyldy:
- Aýyl Abaı oblysy
- Semeı Abaı oblysy
- Aqtóbe Aqtóbe oblysy
- Kókshetaý Aqmola oblysy
- Túrksib Jambyl oblysy
- Oral Batys Qazaqstan oblysy
- Tobyl Qostanaı oblysy
- Esil Qostanaı oblysy
- Pavlodar Pavlodar oblysy
- Petropavl Soltústik Qazaqstan oblysy
Túsindirilgendeı, qujatty qabyldaýdyń maqsaty temir jol ýchaskelerinde naqty taýarlardyń ótkizilýin baqylaýdy júzege asyrý, jappaı qyryp-joıý qarýynyń barlyq túrlerin taratpaýǵa baǵyttalǵan halyqaralyq qujattar sheńberinde Qazaqstannyń mindettemelerin oryndaýy bolyp tabylady.
"Búgingi kúni eksportqa jóneltiletin temir jol quramdary QR Memlekettik shekarasynyń shekaralyq aımaǵynan tys ornalasqan iri (suryptaý) stansıalarda qalyptastyrylady, olar temir joldardyń tehnologıalyq sqemasyna sáıkes Eýrazıalyq ekonomıkalyq odaqqa múshe memleketterdiń aýmaǵyna deıin toqtaýsyz júredi. Eýrazıalyq ekonomıkalyq odaq elderiniń aýmaǵynan taýarlar ımporty kezindegi jaǵdaı uqsas", - dep túsindiriledi negizdemede.
Osyǵan baılanysty arnaıy taýarlardyń ótkizilýin baqylaýdy júzege asyrý oryndarynyń tizbesine qosymsha temirjol stansıalaryn qosý usynylady.
Qujat 22 mamyrǵa deıin ashyq talqylaý úshin Ashyq NQA saıtynda ornalastyrylǵan.