Almaty ákimi Erbolat Dosaev OKQ-da ótken kóshpeli brıfıńte qalada medısınalyq qyzmetterdiń sapasyn arttyrý boıynsha qabyldanyp jatqan sharalar týraly aıtty, - dep habarlaıdy aqshamnews.kz
Máselen, osy jyldyń maýsym aıynda Qazaqstanda alǵash ret «Fetaldy hırýrgıa» pılottyq jobasy engizildi. Endi Almatyda jylyna 150-ge deıin jatyrishilik operasıa jasaýǵa bolady. 2024 jyly 3 753 pasıent 9,2 mlrd teńge somasyna 45 nozologıa boıynsha orfandyq preparattarmen qamtamasyz etildi. Aıta keterligi, bul baǵyttaǵy qarjylandyrý ótken jylmen salystyrǵanda 10% - ǵa ósti.
Sońǵy eki jylda jedel medısınalyq járdem avtoparki 37% - ǵa jańartyldy. 2023 jyly 55 mashına, 2024 jyly 48 mashına satyp alyndy.
Qala basshysy densaýlyq saqtaý salasyndaǵy tańdalǵan kýrstyń durystyǵyn a.j. 11 aıynyń qorytyndylary naqty rastaıtynyn atap ótti, ol boıynsha ana ólimi 48,2% – ǵa, náreste ólimi – 5,4% - ǵa, qaterli isikterden bolatyn ólim-16% - ǵa tómendedi.