Almaty polısıasy bóten adamdardyń atyna shaǵyn nesıe rásimdegen eki alaıaqty ustady, dep habarlaıdy almaty-akshamy.kz Polisia.kz silteme jasap.
Birinshi jaǵdaıda 26 jastaǵy J.esimdi áıel ınternet-resýrstardy qoldana otyryp, azamattardy MKU-nyń birine taýarlyq nesıe alýǵa ótinish bildirýge shaqyrǵan.
– Áıel ártúrli syltaýlarmen azamattardyń jeke derekterin alyp júrgen: jeke kýálikter, bank kartalary, sodan keıin ár túrli MQU-ǵa olardyń atynan “onlaın” nesıe rásimdegen. Qazirgi ýaqytta QR QK-niń 190-baby, 2-bóligi, 4-tarmaǵy boıynsha tergeý amaldary júrgizilýde. Kúdikti jasaǵan osyǵan uqsas alty epızod dáleldendi. J.esimdi azamatshanyń is-áreketinen keltirilgen jalpy shyǵyn shamamen 1 mıllıon teńge. Bul azamatshanyń qylmystyq áreketterinen zardap shekkenderge myna telefon nómirleri arqyly habarlasýlaryńyzdy suraımyz: 8-775-747-7778 jáne 8-705-555-77-63, – dedi Almaly aýdandyq polısıa basqarmasynyń bastyǵy Esen Ysqaqov.
Qalalyq krımınaldyq polısıa eske túsirgendeı, bul kúnderi Almaty qalasynyń polıseıleri ınternettegi alaıaqtyqpen kúresý úshin is-sharalar jıynyn ótkizýde.
– Biz aqparattyq tehnologıalardy qoldaný arqyly jasalǵan quqyq buzýshylyqpen kúresý sharalarynyń tıimdiligin arttyrýǵa baǵyttalǵan “Anti-Fraud” respýblıkalyq is-sharasy týraly aıtyp otyrmyz. İs-shara 9 tamyzda bastalyp, 15-i aıaqtalady. Ustalǵandardyń arasynda – 31 jastaǵy A.esimdi azamat ta bar. Ol Almaty oblysynyń týmasy, buryn sottalmaǵan, adamdardardy shaǵyn nesıe rásimdeý arqyly aldap kelgen. Qazirgi ýaqytta QR QK-niń 190-baby, 2-bóligi, 4-tarmaǵy boıynsha tergeý amaldary júrgizilýde. Kúdikti osyǵan uqsas segiz qylmys jasaǵany úshin ustaldy, – dedi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.