Gerold Belger 1934 jyly 28 qazanda dúnıege kelgen.
31 qazan kúni Almatyda jazýshy, aýdarmashy, pýblısıs, esseshi jáne ádebıettanýshy Gerold Belgerdi eske alý keshi ótedi. Bul sharaǵa jazýshynyń dostary men jaqyndary, serikteri men shákirtteri qatysady, dep habarlaıdy Almaty-akshamy.kz.
Atalmysh shara Almaty qalasyndaǵy respýblıkalyq Dostyq úıinde ótedi. Belgili qazaqstandyq prozashy, pýblısıs, aýdarmashy Gerold Belgerdiń taǵdyry men shyǵarmashylyǵyna arnalǵan eske alý keshine dostary men jaqyndary, serikteri men shákirtteri, dıplomatıa ókilderi, Qazaqstan halqy Assambleıasynyń músheleri men qurylymynyń ókilderi, zıaly qaýym men qoǵam qaıratkerleri, sondaı-aq, JOO stýdentteri men BAQ ókilderi jáne «Vozrojdenıe» Almaty nemis etno-mádenı qoǵamynyń, «Wiedergeburt» nemister keńesiniń ókilderi qatysady dep kútilýde.
Taqyrypqa oraı
Gerold Belger:
Bizdiń turaqtylyq dep júrgenimiz – jaı ǵana toqyraý
Adamdy qalaı bolsa, solaı, qaz-qalpynda qabyldaý kerek. Áıtpese, ony kórmesteı bop ketýiń múmkin.
***
Meni qazaqstandyq demokratıanyń «aıryqsha joly» alańdatady. Bul – óz-ózin aldaý, nonsens. «Aıryqsha jol» jaıly aıtylyp jatsa, sol dep bil. Tyǵyryq.
***
Bizdiń bıliktiń oıynsha, naǵyz otansúıgish degenimiz – zeınetke bir jyl qalǵanda dúnıe salǵan adam.
***
Yǵyna jyǵylǵyshtyq – mine kóp zıalylarymyzdyń búgingi urany.
***
«Tómengi» deńgeıdegilerdiń aqsha jymqyrǵanyna kózjumbaılyq jasasa bolady. Al «joǵarǵy» jaq urlasa, qazaqsha aıtqanda, túıeni túgimen, bıeni búgimen jutý degenniń naq ózi bolmaq – qoǵam bir úlken jarylysty kútip otyr.
Baqytty qul – azattyqtyń asqan jaýy.
***
Orystyń boǵaýyz sózi ózgeniń aýzynan shyqsa, jumsaryp ketedi. Keıde tipti meıirimge tolady. Qazaq jazýshysyn bilemin, oqýshy qyzynyń shashyn órip otyryp: «Óı, aınalaıyn…. tvoıý mat!» dep erkeletip otyratyn.
***
Meniń tolqynymnyń turmystyq satylary: áýeli – fızıkalyq turǵydaǵy kúnkóris qamy, sosyn – rýhanı turǵydan aman qalý qamy, endi – qarapaıym kúnkóristiń jantalasy.
***
Eshkimniń eshteńede sharýasy bolmasa, isti kim tyndyrmaq?!
***
Kókjaılaý — saqtaýǵa, qasterleýge tıis Qudaıdyń ǵalamat jaratylysy. Eń aldymen, ony saqtap qalý jaıyn qazaqtar, zamandastarymyz, almatylyqtar oılaýy kerek.