Máskeýdegi Qazaqstan elshiliginde reseılik ǵalym Vıktor Kozodoıdyń "Alıhan Býkeıhanov. Chelovek-epoha" ("Álıhan Bókeıhanov. Ańyz adam") kitabynyń tusaýkeseri ótti.
Avtor óz eńbeginde derekkózderdi, materıaldar men faktilerdi, sonyń ishinde buryn ǵylymı aınalymda paıdalanylmaǵan muraǵat qujattaryn, estelikterdi, sol jyldardaǵy gazet-jýrnal betterindegi jarıalanymdardy paıdalanǵan, dep habarlaıdy Almaty-akshamy.kz.
Jıyndy ashqan Qazaqstannyń Reseıdegi elshisi Ermek Kósherbaev bul kitapty Álıhan Bókeıhanov tulǵasynyń alǵashqy tereń jáne tutas ǵylymı zertteýi dep baǵalady. Tarıhı ádilettilikti qalpyna keltirý jáne qalyń buqaraǵa aqparat berý aıasynda Alash qozǵalysy qyzmetiniń kóptegen qyrlary ashylmaǵanyn eske saldy. Osyǵan baılanysty, bul kitap Qazaqstannyń Táýelsizdigin boljaǵan tarıhı oqıǵalardy zertteýge eleýli úles qosty.
Jınaq avtorynyń pikirinshe, Álıhan Bókeıhanovty Qazaqstannyń ǵana emes, Reseıdiń de tarıhı qaıratkeri dep sanaýǵa bolady, óıtkeni ol Memlekettik Dýmaǵa saılandy, Búkilreseılik uıymdardyń jumysyna jáne Búkilreseılik máselelerdi sheshýge qatysty.
Sondaı-aq Vıktor Kozodoı kitaptyń qazaq tiline aýdarylǵanyn aıtyp, jaqyn arada onyń jaryq kórýine úmit bildirdi.