Almaty qalasy QAJ departamenti №11 mekemesindegi jazasyn óteýshi jasóspirimder men Almaty dızaın jáne sán kolejiniń, Almaty logıstıka jáne kólik akademıasynyń koleji stýdentteri arasynda “Kóńildi start” sport jarysy ótti.
Bes týr boıynsha uıymdastyrylǵan jarysta jazaly balalar men stýdentter qol kúresi, arqan tartý, kir tasyn kóterý, týrnıkke tartylý sıaqty sporttyq oıyndardan kúsh synasty, dep habarlaıdy Almaty-akshamy.kz Polisia.kz-ke silteme jasap.
Oıyn sońynda komandalardyń jalpy upaıy teń túskendikten, tóreshiler jeńimpaz komandany shaǵyn fýtboldan jarystyryp anyqtady. Tartysty ótken komandalyq jarysta №11 mekemesiniń komandasy jeńiske jetti. Tóreshilerdiń sheshimi boıynsha, birinshi orynǵa №11 mekemesiniń komandasy ıe bolsa, 2-orynǵa Almaty logıstıka jáne kólik akademıasynyń koleji, 3-orynǵa Almaty dızaın jáne moda koleji ıe boldy.
№11 mekemesi sottalǵandarmen tárbıe jumysyn júrgizý bóliminiń karantın bóliminiń bastyǵy S.Bektemirov uıymdastyrǵan “Kóńildi start” sport jarysynyń mazmundy ótýine Almaty dızaın jáne sán koleji, Almaty logıstıka jáne kólik akademıasy kolejiniń trenerleri Madıar Seıitov pen Barah Meırambek, Qasym Edil belsene atsalysty. Jarys sońynda jeńimpaz komandalarǵa mekeme bastyǵynyń alǵys hattary tabystaldy.