Tótenshe jaǵdaılar mınıstrligi «Seısmologıalyq tájirıbe ádistemelik ekspedısıasy» seısmıkalyq stansıalar jelisi keshe Almaty ýaqytymen 21:14-te jer silkinisin tirkedi.
Jer silkinisiniń epısentri Almaty qalasynan ońtústikke qaraı 74 shaqyrym jerde Qyrǵyzstanda ornalasqan, dep habarlaıdy Almaty-akshamy.kz.
Jer silkinisiniń energetıkalyq klasy - 10.2.
MPV magnıtýdasy - 4.5.
Epısentrdiń koordınattary 42.69°s.sh. 76.33° v.d.
Tereńdigi - 5 shaqyrym.
MЅK-64 shkalasy boıynsha Alma-Arasan shatqalynda 2 bal sezildi.
«Ózara is-qımyl algorıtmine sáıkes, tıisti memlekettik mekemeler habarlanyp, qıraýlardyń bolýyna, tirshilikti qamtamasyz etý obektileriniń jumys isteýine monıtorıń júrgizilip jatyr, polısıa departamentiniń jedel kezekshisine qalanyń ǵımarattary men qurylystaryn zaqymdalýyna syrtqy sholý jasaý úshin aqparat jetkizildi. Aqparat tolyqtyrylyp jatyr», - dep habarlady Almaty tótenshe jaǵdaılar departamentiniń baspasóz qyzmeti.