Almatyda Halyqaralyq Jastar kúni qarsańynda «Hide Park» aýmaǵynda «Jaz Energy 2023» festıvali ótti, oǵan 500-den astam adam qatysty, dep habarlaıdy Almaty-akshamy.kz
«Almaty jastary – taýsylmaıtyn kúsh pen shyǵarmashylyqtyń qaınar kózi dep bilemiz. Bizdiń is-sharanyń maqsaty – jastardyń ózin-ózi damytýǵa, jańa orta tabýǵa jáne alǵa qoıǵan maqsattaryna jetýine talpyný jáne qoldaý kórsetý», - dep túsindirdi Jastar resýrstyq ortalyǵynyń jetekshisi Ahataı Yrysbek.
İs-shara barysynda «Sunshine» jáne «Bauyrdaq-Qazaq Fastfood» kompanıalarynan jeńildik sertıfıkattary tabys etildi. Sýret salý, sadaq atý, qysh qumyra jasaý jáne mehendı qoldaný boıynsha master-klasstar uıymdastyryldy.
Kesh atmosferasyn DJ AKHMETOFF jáne MC TANAT ereksheleı tústi, festıvál «Charlı jáne shokolad fabrıkasy» jáne «Qara kıimdi adamdar» fılmderi usynylatyn ashyq aspan astyndaǵy kınokeshpen aıaqtaldy.
«Festıvál «Jaz Energy 2023» jarqyn estelikter men shabyt qaldyrdy. Jastardyń shyǵarmashylyq ıdeıalarmen almasý úshin qalaı bas qosqanyn kórý óte jaqsy boldy. Qyzyqty baǵdarlama men qalamyzdyń jastaryna qoldaý kórsetkeni úshin uıymdastyrýshylarǵa úlken rahmet!», - dep pikir bildirdi shara qonaǵy Hanatkan Arýjan.
Festıváldi Almaty qalasynyń Jastar saıasatyn damytý memlekettik qory, «Hide Park»-pen birlesip uıymdastyrdy.