Jataqhanalarǵa kúrdeli jóndeý júrizip, bólmelerdi keńeıtý arqyly oryn tapshylyǵyn sheshý kózdelip otyr
Osy tásil arqyly oqý orny aldaǵy ýaqytta jataqhanalardaǵy oryn sanyn 2000-ǵa kóbeıtýdi kózdep otyr, dep habarlaıdy Almaty-akshamy.kz 24.kz-ke silteme jasap.
Almatydaǵy basty joǵary oqý oryndarynyń biriniń rektory Janseıit Túımebaev Memleket basshysynyń jataqhana tapshylyǵyn sheshý tapsyrmalaryna sáıkes atqarylǵan jumystardy atap ótip, jataqhananyń jóndeýge deıingi jáne keıingi jaı-kúıimen tanystyrdy.
Jóndeý kezinde ǵımarattyń syrtqy qasbeti jańartylyp, barlyq bólmeniń qabyrǵalary qaıta árlendi. Esik-tereze aýystyrylyp, ár seksıaǵa zamanaýı dýsh kabınalary qoıyldy. Elektr júıesi qaıta júrgizilip, jaryq berýshi shamdar jańadan ornatyldy. Buǵan qosymsha, ǵımarattyń cý qubyry men káriz júıesi montajdaldy.
313 oryndyq jataqhanaǵa tarıh fakúltetimen qatar, hımıa jáne hımıalyq tehnologıalar fakúlteti men fızıka-tehnıkalyq fakúltetiniń stýdentteri ornalasty. Ulttyq Ýnıversıtet aldaǵy ýaqytta barlyq jataqhanaǵa kúrdeli jóndeý jumystaryn júrgizip, stýdentterdiń áleýmettik jaǵdaıyn jaqsarta túspek.